Пирог "Сабзавотлар саватчаси"

Эътиборингизга витаминларга бой ва мазали пирогни тақдим этамиз. Тайёрланиши оддий, натижаси дастурхон даврасида барчани лол қолдиради. Таомнома учун чинакам янгилик. Ушбу ретсептни албатта тайёрланг!

Керакли масаллиқлар:

• 2 стакан қовоқ (кабачки, қирғичдан чиқарилган)
• 1 стакан сабзи (қирғичдан чиқарилган)
• 0,3 стакан ошқовоқ (қирғичдан чиқарилган)
• 4 ош қошиқ ўсимлик ёғи
• 1 чой қошиқ туз
• 0,5 стакан ун
• 100 грамм пишлоқ
• 2 дона помидор
• 2 дона тухум
• 150 мл сут
• Бир чимдимдан мускат ёнғоғи, мурч
• 1 боғ кўкат
• 100 грамм шампинон (пиширилган)

Тайёрлаш усули:
1. Қирғичдан чиқарилган сабзавотларни ортиқча шарбатидан сиқиб олинг. Қовоқ, ошқовоқ ва сабзини бирлаштириб, 4 ош қошиқ ўсимлик ёғи ва 0,5 стакан ун солиб, аралаштиринг.

2. Ёғ суртилган пишириш қолипига сабзавотли массани деворлари бўйлаб ёйиб чиқинг.
3. 190 даражада қиздирилган газ печида 25 дақиқа давомида пиширинг. Сўнг, қирғичдан чиқарилган пишлоқ, майда тўрғалган шампинонни солинг.
4. Помидорни юпқа, юмалоқ шаклда кесинг ва қиздирилган ёғда ҳар томонлама қовуринг. Тухум ва 150 мл сутни бирлаштириб, кўпиртиринг. Мускат ёнғоғи, мурч ва тузни солиб, аралаштиринг. Пишириш қолипидаги ярим тайёр масаллиқлар устига сутли массани қуйинг, помидор бўлакларини териб чиқинг.
5. Кўкат сепинг, 180 даражада қиздирилган газ печида 20 дақиқа давомида пиширинг. Тайёр ва нозик пирогни дастурхонга тортинг.Ёқимли иштаха!