Газак "Авакадо таёқчаси"

Тез тайёр бўладиган, чинакам лаззатланишни тақдим этувчи газак. Таомнома учун чинакам янгилик! Дастурхон даврасида барчани лол қолдириши турган гап. Ушбу ретсептни албатта тайёрланг!

Керакли масаллиқлар:

• 2 дона авакадо
• 100 грамм нон сухариси
• 2 дона тухум
• 5-6 дона петрушка шохчаси
• 4 ош қошиқ маёнез

Тайёрлаш усули:
1. Авакадо териси ва ички қисмини тозаланг. Узунлиги 2-3 см, қалинлиги 1 см ҳажмда кесинг.
2. Нон сухарисига ҳоҳишингизга кўра зираворлардан қўшинг. Тухумни алохида идишга солинг ва кўпиртиринг.
3. Ёғни қиздиринг. Авакадо бўлагини аввал нон сухарисига, сўнг, тухумга ва яна нон сухарисига юмалатинг. Ҳар томонлама 1 дақиқа давомида қовуринг. Ошхона сочиғига олинг, ортиқча ёғи ажралиши учун.
4. Петрушка, ярим дона авакадо, лайм шарбати ва маёнезни бирлаштиринг. Блендер ёрдамида, бир хил масса ҳосил бўлгунга қадар аралаштиринг.
5. Тайёр соус ва авакадо таёқчаларини бирга дастурхонга тортинг.
Ёқимли иштаха!