Газак "Нозик сулугуни пишлоғи"

Номига муносиб нозик ва жуда ҳам мазали! Чехия ошхонасининг машҳур газакларидан бири. Тайёрланиши оддий, натижаси дастурхон даврасида барчага лаззат бағишлаши турган гап. Таомнома учун янгилик. Ушбу ретсептни албатта тайёрланг!

Керакли масаллиқлар:

• 90 грамм сулугуни пишлоғи
• Ун
• 20 грамм нон сухариси
• Петрушка, райҳон
• 100 грамм помидор
• 1 грамм туз
• 10 грамм чили соуси (ширин)
• Сув

Тайёрлаш усули:
1. Сулугуни пишлоғини ҳоҳишингизга кўра бўлакларга бўлинг ва унга буланг.
2. Ун ва сувни аралаштириб клар тайёрланг. Пишлоқ бўлакларини кларга ботиринг.
3. Петрушка билан аралаштирилган нон сухарисига пишлоқ бўлакларини юмалатинг. Пишлоқ бўлакларини ошхона сочиғига қўйинг.
4. Помидорни майда шаклда тўрғанг. Тўрғалган райҳон кўкати ва помидорни бирлаштиринг. Чили соусини қўшинг ва туз солиб, аралаштиринг.
5. Пишлоқ бўлакларини қиздирилган ёғда, тилла тусга киргунга қадар қовуринг (тахминан 40 сония).
6. Пишлоқ бўлакларини газак тортиладиган идишга солинг. Помидорли салатни бир четига солинг, райҳон барги билан безатинг. Дарҳол дастурхонга тортинг.
Ёқимли иштаха!