Лимонли заварной крем

Мўжизавий ва машҳур кремлардан бирини эътиборингизга тақдим этамиз. Нозик ва мазали! Ҳушбўй иси билан янада иштахаочарлик бағишлайди.

Керакли масаллиқлар:
4 дона лимон
4 дона тухум
200 грамм шакар
40 грамм сарёғ
Тайёрлаш усули:
1. Биринчи навбатда 2 дона лимон пўстини қирғичнинг кичик томонидан чиқаринг ва шакар билан аралаштиринг.
2. Барча лимонларнинг шарбатини чиқаринг ва шакар билан аралаштиринг.
3. Тухумларни венчик ёрдамида кўпиртиринг. Бироқ, кўпик ҳосил бўлиш даражасигача олиб борманг.
4. Тухум ва шакар-лимонли массани бирлаштириб, аралаштиринг. 30 дақиқага қолдиринг.
5. Белгиланган вақт ўтиб, тайёрланган массани ситодан ўтказинг. Лимон пўсти ва тухум оқининг ортиқча қисмларини ажратиб олиш учун. Натижада силлиқ ва чиройли масса ҳосил бўлади.
6. Массани кастрюлкага қуйинг ва сарёғни солинг. Паст оловга қўйинг.
7. Доим аралаштирган ҳолда крем қуюқлашгунга қадар оловда ушлаб туринг. Бу тахминан 4 дақиқани ўз ичига олади.
8. Тайёр ва нозик кремни совутинг. Крем тайёр!