Gazak "Nozik suluguni pishlogʻi"

Nomiga munosib nozik va juda ham mazali! Chexiya oshxonasining mashhur gazaklaridan biri. Tayyorlanishi oddiy, natijasi dasturxon davrasida barchaga lazzat bagʻishlashi turgan gap. Taomnoma uchun yangilik. Ushbu retseptni albatta tayyorlang!

Kerakli masalliqlar:

• 90 gramm suluguni pishlogʻi
• Un
• 20 gramm non suxarisi
• Petrushka, rayhon
• 100 gramm pomidor
• 1 gramm tuz
• 10 gramm chili sousi (shirin)
• Suv

Tayyorlash usuli:
1. Suluguni pishlogʻini hohishingizga koʻra boʻlaklarga boʻling va unga bulang.
2. Un va suvni aralashtirib klar tayyorlang. Pishloq boʻlaklarini klarga botiring.
3. Petrushka bilan aralashtirilgan non suxarisiga pishloq boʻlaklarini yumalating. Pishloq boʻlaklarini oshxona sochigʻiga qoʻying.
4. Pomidorni mayda shaklda toʻrgʻang. Toʻrgʻalgan rayhon koʻkati va pomidorni birlashtiring. Chili sousini qoʻshing va tuz solib, aralashtiring.
5. Pishloq boʻlaklarini qizdirilgan yogʻda, tilla tusga kirgunga qadar qovuring (taxminan 40 soniya).
6. Pishloq boʻlaklarini gazak tortiladigan idishga soling. Pomidorli salatni bir chetiga soling, rayhon bargi bilan bezating. Darhol dasturxonga torting.
Yoqimli ishtaxa!