Айёр қиз

"Хаво намунча совуқ бўлмаса... Уфф, шунчаям куттирадими?! Уйга бориб олай, ойимга хам, уларга хам шу қилганлари учун уч кун аразламасамми?! Бўлди. Сабрим тугади. Кетдим!”

Момиқ ёқали оқ палъто кийиб олган, оппоқ юзлари совуқдан лола рангини олган Фарзона қошларини чимириб, ўзига-ўзи гапирганча кетиб борарди. Қўлқоп хам кийиб олмагани учун қўллари музлаб қолган эди. Шу сабаб, дам-бадам қўлларини чўнтагидан чиқариб, нафаси билан иситишга уринар, бир иш чиқишига ишонмай, яна чўнтагига соларди.

Шу пайт қор қоплаган қатнов йўлидан секин-аста "одимлаб” келаётган қора рангли автоуловга кўзи тушди. Бир қарашда машина қорда секинлаб келаётгандек кўринса-да, унинг изидан келаётганини қиз сезиб турарди. Этигини қордан тозаламоқчидек бирров эгилиб, машина томонга кўз ташлади. У кутгандек, машина хам тўҳтади. Фарзона эса қаддини ростлади-ю, тўғри машина томонга қадам ташлади. Машина эгаси қиз у томонга келаётганини кўриб, ойнани туширди.

– Вокзал томонга кетяпсизми? - Фарзона йигитга юзланди.

– Ўтиринг...

Фарзона орқа эшикни очиб, машинага чиқди. Рулда ўтирган хайдовчига бир назар ташлади-ю, кейин бояги араз кайфияти билан дераза оша кўчага қараб кетаверди.

* * *
– Ойи, қишни ўртасида шартмиди, шу?!

– Мен нима қилай, қизим, улар шуни исташяпти. Агар бир-бирингизга маъқул бўлсангиз...

– Хали қиш оҳирламай тўйни хам бошларсиз?!

– Ха, нима қипти?! Хаммаёқ оппоқ қор... Осмондан сехрли қорпарчалар ёғилади. Романтика... – сухбатга синглиси Шаҳина аралашди.

– Э, бор-э, ўша романтиканг билан! Агар шу "қизиқиш”ларинг бўлмаганда, университетни мен билан бирга битирган бўлардинг, тушундингми? Таътилдан унумли фойдалангин-да, бор дарсингни қил!

– Энди барибирам шу "романтика”га қизиқяпсиз-ку! Хар холда, ўтга куни ишдан қайтишда сизни уйга ташлаб қўйган йигит хамкасбингиз эмасдир...

– Халиям шу эрда турибсанми? - Фарзона дивандаги ёстиқчани олиб, синглисига қараб ирғитди. Шаҳина эшикдан чиқиб кетишга улгурди. Кейин Фарзона хам "сухбат тугади” дегандек бир ҳўрсиниб, ўрнидан турди. Эшикка яқинлашиб, эрда ётган ёстиқчани олди, диван устига тўғрилаб қўяётиб, ойисининг савол назари билан унга боқиб турган нигохларига дуч келди. "Хеч гап йўқ!” дегандек, хиссизгина қараб қўйди.

* * *
– Шунчаям куттирадими?! Музлаб қолдим аҳир! Шартмиди шу қорли кунда учрашиш?!

– Кечир, Фарзона! Кўчалар роса музлаган, машинада юриш қийин... Шунга бироз ушланиб қолдим...

– Бироз ушланиб қолдим эмиш! Мен эса сизни нақ ўн беш дақиқа кинотеатр олдида кутибман-а! Камига ким-кимлар гап ташлаб ўтишмади! – қиз ғунча лабларини чўччайтирди.

– Ким экан ўша сенга гап отган?! Хозир бориб...

– Ўзингизни босинг-э! Ундан кўра айтинг-чи, хозир нима қилмоқчисиз?

Йигит кўзгу ичидан қизга бир қараб олди.

– Хозирми..? Кино аллақачон бошланди, улгурмаймиз бари бир. Кейинги сеансгача бирорта ресторанга бориб, тушлик қила қоламиз...

–Яҳши, – Фарзона йигитнинг ёнидаги ўриндиқда турган гулдастага қараб қўйди.
– Қайсига олиб борасиз?

– "Эвропа” деган янги ресторан очилибди. Ўша ёққа... – йигит қизнинг фикрини билиш учун яна унга қаради. Нигохи қизнинг нигохига эргашиб, ёнидаги ўриндиқда турган гулдастани кўрди. – Гап билан бўлиб, беришни унутибман, бу сенга!

– Рахмат. Чиройли экан... – қиз атай кўзларини юмиб, гулларни хидлаб кўрди.

– Сенчалик эмас!

– Азиз ака... Уйдагилар... Билишмайди халиям... Ўша йигит сиз эканлигингизни... Айтолмадим...

– Қўявер, тўйдан кейин билиб олишади! Хали бу кунларни соғиниб, кулиб эслаймиз. Бу хам бир давр-да!

– Кейинчалик билиб қолишса-чи?

– Қайтанга сен кўнглингни очмаганинг, ориятни устун қўйганинг учун улар олдида қадринг янада юксалади!

– Шаҳина бир куни мени олиб келиб қўйганингизни кўрган экан... У сизлигингизни билса, аниқ айёрлик қилганга ўҳшаб қоламан...

– Айёргинам, ресторанга этиб келдик! Юр, тамадди қилиб олайлик. Уйдагиларга кейин яҳшилаб тушунтирамиз. Тўғрисини айтамиз!

– Нимани?

– Сенга маъқул бўлганимни. Аҳир мени танимайсан-ку! – йигит кўча томонга ишора қилди. Фарзона хам сал нарироқда бир-икки хамкасблари билан мактабдан чиқиб келаётган ойисини кўрди.

– Ха, ростдан... Сизни танимайман... Лекин хали менга маъқул бўлишга улгурмадингиз. Хали эрта!

Икковлари бараварига кулиб юборишди.