Айёр киз
"Хаво намунча совук булмаса... Уфф, шунчаям куттирадими?! Уйга бориб олай, ойимга хам, уларга хам шу килганлари учун уч кун аразламасамми?! Булди. Сабрим тугади. Кетдим!”
Момик ёкали ок пальто кийиб олган, оппок юзлари совукдан лола рангини олган Фарзона кошларини чимириб, узига-узи гапирганча кетиб борарди. Кулкоп хам кийиб олмагани учун куллари музлаб колган эди. Шу сабаб, дам-бадам кулларини чунтагидан чикариб, нафаси билан иситишга уринар, бир иш чикишига ишонмай, яна чунтагига соларди.
Шу пайт кор коплаган катнов йулидан секин-аста "одимлаб” келаётган кора рангли автоуловга кузи тушди. Бир карашда машина корда секинлаб келаётгандек куринса-да, унинг изидан келаётганини киз сезиб турарди. Этигини кордан тозаламокчидек бирров эгилиб, машина томонга куз ташлади. У кутгандек, машина хам тухтади. Фарзона эса каддини ростлади-ю, тугри машина томонга кадам ташлади. Машина эгаси киз у томонга келаётганини куриб, ойнани туширди.
– Вокзал томонга кетяпсизми? - Фарзона йигитга юзланди.
– Утиринг...
Фарзона орка эшикни очиб, машинага чикди. Рулда утирган хайдовчига бир назар ташлади-ю, кейин бояги араз кайфияти билан дераза оша кучага караб кетаверди.
* * *
– Ойи, кишни уртасида шартмиди, шу?!
– Мен нима килай, кизим, улар шуни исташяпти. Агар бир-бирингизга маъкул булсангиз...
– Хали киш охирламай туйни хам бошларсиз?!
– Ха, нима кипти?! Хаммаёк оппок кор... Осмондан сехрли корпарчалар ёгилади. Романтика... – сухбатга синглиси Шахина аралашди.
– Э, бор-э, уша романтиканг билан! Агар шу "кизикиш”ларинг булмаганда, университетни мен билан бирга битирган булардинг, тушундингми? Таътилдан унумли фойдалангин-да, бор дарсингни кил!
– Энди барибирам шу "романтика”га кизикяпсиз-ку! Хар холда, утга куни ишдан кайтишда сизни уйга ташлаб куйган йигит хамкасбингиз эмасдир...
– Халиям шу ерда турибсанми? - Фарзона дивандаги ёстикчани олиб, синглисига караб иргитди. Шахина эшикдан чикиб кетишга улгурди. Кейин Фарзона хам "сухбат тугади” дегандек бир хурсиниб, урнидан турди. Эшикка якинлашиб, ерда ётган ёстикчани олди, диван устига тугрилаб куяётиб, ойисининг савол назари билан унга бокиб турган нигохларига дуч келди. "Хеч гап йук!” дегандек, хиссизгина караб куйди.
* * *
– Шунчаям куттирадими?! Музлаб колдим ахир! Шартмиди шу корли кунда учрашиш?!
– Кечир, Фарзона! Кучалар роса музлаган, машинада юриш кийин... Шунга бироз ушланиб колдим...
– Бироз ушланиб колдим эмиш! Мен эса сизни нак ун беш дакика кинотеатр олдида кутибман-а! Камига ким-кимлар гап ташлаб утишмади! – киз гунча лабларини чуччайтирди.
– Ким экан уша сенга гап отган?! Хозир бориб...
– Узингизни босинг-е! Ундан кура айтинг-чи, хозир нима килмокчисиз?
Йигит кузгу ичидан кизга бир караб олди.
– Хозирми..? Кино аллакачон бошланди, улгурмаймиз бари бир. Кейинги сеансгача бирорта ресторанга бориб, тушлик кила коламиз...
–Яхши, – Фарзона йигитнинг ёнидаги уриндикда турган гулдастага караб куйди.
– Кайсига олиб борасиз?
– "Европа” деган янги ресторан очилибди. Уша ёкка... – йигит кизнинг фикрини билиш учун яна унга каради. Нигохи кизнинг нигохига эргашиб, ёнидаги уриндикда турган гулдастани курди. – Гап билан булиб, беришни унутибман, бу сенга!
– Рахмат. Чиройли экан... – киз атай кузларини юмиб, гулларни хидлаб курди.
– Сенчалик эмас!
– Азиз ака... Уйдагилар... Билишмайди халиям... Уша йигит сиз эканлигингизни... Айтолмадим...
– Куявер, туйдан кейин билиб олишади! Хали бу кунларни согиниб, кулиб эслаймиз. Бу хам бир давр-да!
– Кейинчалик билиб колишса-чи?
– Кайтанга сен кунглингни очмаганинг, ориятни устун куйганинг учун улар олдида кадринг янада юксалади!
– Шахина бир куни мени олиб келиб куйганингизни курган экан... У сизлигингизни билса, аник айёрлик килганга ухшаб коламан...
– Айёргинам, ресторанга етиб келдик! Юр, тамадди килиб олайлик. Уйдагиларга кейин яхшилаб тушунтирамиз. Тугрисини айтамиз!
– Нимани?
– Сенга маъкул булганимни. Ахир мени танимайсан-ку! – йигит куча томонга ишора килди. Фарзона хам сал нарирокда бир-икки хамкасблари билан мактабдан чикиб келаётган ойисини курди.
– Ха, ростдан... Сизни танимайман... Лекин хали менга маъкул булишга улгурмадингиз. Хали эрта!
Икковлари бараварига кулиб юборишди.