"Қизил юрак" газаги

Ажойиб газак! Гўзал кўиниш, ажойиб таъмга эга. Тайёрланиши оддий, натижаси дастурхон даврасида барчани лол қолдиради. Таомномадан ўз ўрнини эгаллаши турган гап. Ушбу ретсептни албатта тайёрланг!

Керакли масаллиқлар:

• 10 дона тарталетка
• 150 грамм творог
• 100 грамм бринза
• 3 ош қошиқ сметана
• 2 дона тухум
• Таъбга кўра кўкат (укроп)
• 20 дона помидор черри
• Безак учун қизил икра

Тайёрлаш усули:
1. Блендер ёрдамида творог, бринза, пиширилган тухум, майда тўрғалган кўкат ва сметанани бирлаштириб, аралаштиринг.
2. Помидорларни ювинг ва бош бурчагини кесиб олинг.
3. Сўнг, икки помидор бўлагини бирлаштиринг ва юракча шаклига келтиринг.
4. Тарталеткаларни тайёрланган асос билан тўлдиринг. Юрак шаклларини қўйинг.
5. Қизил икрани юрак атрофи бўйлаб териб чиқинг. Иштаха очар ва мазали газакни дастурхонга тортинг.
Ёқимли иштаха!