Қизил чечевитсали газак

Витаминларга бой ва ноанъанавий газак! Қолаверса жуда ҳам мазали! Тайёрланиши оддий, натижаси дастурхон даврасида барчани лол қолдириши турган гап. Ушбу ретсептни албатта тайёрланг!

Керакли масаллиқлар:

• 40 грамм қизил чечевитса
• 30 грамм салат барги (айсберг)
• 10 мл лимон шарбати
• 5 мл сирка
• 15 мл зайтун ёғи
• 1/2 дона қизил пиёз
• 1 дона бодринг
• 1/2 дона қизил, булғор қалампири
• 30 грамм фета пишлоғи
• 5 грамм петрушка
• 15 грамм балзамли соус

Тайёрлаш усули:
1. Чечевитсани туз солинган сувда, 15 дақиқа давомида пиширинг.
2. Пиширилган чечевитсани алохида идишга солинг ва лимон шарбати билан сепинг.
3. Туз ва мурч сепинг.
4. Зайтун ёғи ва сирка қуйиб, аралаштиринг.
5. Чечевитса билан майда тўрғалган пиёз, бодринг ва булғор қалампирини бирлаштиринг. Аралаштиринг.
6. Тайёрланган аралашмани салат баргларига солинг.
7. Майда тўрғалган петрушка кўкатини сепинг.
8. Балзамли соус сепинг. Тўртбурчак шаклда кесилган пишлоқ бўлакларини териб чиқинг. Дастурхонга тортинг.
Ёқимли иштаха!