Шарқча усулда тайёрланган бақлажонли салат

Бекажонлар сизларга ажойиб, жуда ҳам қизиқ, мазаси эса аччиқроқ салат ретсептини тақдим этаман. Бирзумда тайёр бўлувчи мазали салат сизга ва яқинларингизга жуда ҳам маъқул бўлиб, ёз мавсумида тез-тез тайёрлашга одатланасиз. Ушбу салат қуюқ таомлар билан тортилса борми? Дастурхон даврасида ҳеч кимнинг эътиборидан четда қолмайди. Ретсептни сақлаб қолишни эса асло унутманг!

Шарқча усулда тайёрланган бақлажонли салат
Бекажонлар сизларга ажойиб, жуда ҳам қизиқ, мазаси эса аччиқроқ салат ретсептини тақдим этаман. Бирзумда тайёр бўлувчи мазали салат сизга ва яқинларингизга жуда ҳам маъқул бўлиб, ёз мавсумида тез-тез тайёрлашга одатланасиз. Ушбу салат қуюқ таомлар билан тортилса борми? Дастурхон даврасида ҳеч кимнинг эътиборидан четда қолмайди. Ретсептни сақлаб қолишни эса асло унутманг!

Керакли масаллиқлар:
3 дона бақлажон
1 дона сабзи
0.5 дона пиёз
1 дона селдерей таёқчаси
0.5 дона булғор қалампири
1 чой қошиқ кашнуч кукуни (кориандр)
6 ош қошиқ зайтун ёғи
0.5 чой қошиқ қизил қалампир кукуни
2-3 ош қошиқ узум сиркаси
1 чой қошиқ занжабил (имбир)
1 чой қошиқ асал
таъбга кўра туз
Тайёрлаш усули:
1. Бақлажонларни ювинг ва тозаланг.
2. Сомонча шаклда тўрғанг, туз сепиб, бир неча дақиқага қолдиринг. Сўнг, ажралган аччиқ сувидан сиқиб олинг.
3. Бақлажонларни товада, қиздирилган ўсимлик ёғида, бутунлай тайёр бўлгунга қадар қовуринг.
4. Селдерейни тозаланг ва юпқа, сомонча шаклда тўрғанг.
5. Шунингдек сабзини ҳам корейсча салат тайёрланадиган қирғичдан чиқаринг. Пиёз ва булғор қалампирини юпқа, сомонча шаклда тўрғанг. Сабзавотларни бир идишга жамланг.
6. Салат учун заправкани тайёрлашга киришинг. Бунинг учун: товада кашнуч кукуни ва 3 ош қошиқ зайтун ёғини қиздиринг.
7. Сабзавотларни иссиқ, ҳушбўй заправка билан қуйинг. Тўрғалган булғор қалампири, занжабил шарбати, сирка, асал ва таъбга кўра туз солиб, яхшилаб аралаштиринг. Бир неча дақиқага қолдиринг.
8. Салатни дастурхонга тортишдан аввал тўрғалган кўкат сепиб безатинг. Салат тайёр!
Ёқимли иштаха!