Гречкали паштет

Жуда ҳам мазали ва тўйимли! Бутербродлар учун асос ва мазали газак ўрнини эгаллаши аниқ. Тайёрланиши оддий, натижаси дастурхон даврасида барчани лол қолдириши турган гап. Ушбу ретсептни албатта тайёрланг!

Керакли масаллиқлар:

• 1/2 стакан гречка
• 300 грамм товуқ жигари
• 1 дона пиёз
• 1 та кўк пиёз шохи
• Зайтун ёғи қовуриш учун
• Таъбга кўра сарёғ
• Таъбга кўра туз ва мурч
• 1/2 ош қошиқ булён

Тайёрлаш усули:
1. Товуқ жигарини тозаланг, ювинг ва 10-15 дақиқа давомида қайнатинг.
2. Гречкани туз солинган сувда пиширинг.
3. Майдаланган пиёзни зайтун ёғида қовуринг.
4. Гречка, жигар ва пиёзни блендерда аралаштиринг ёки гўшт майдалагичдан 2 маротаба чиқаринг.
5. Сарёғни эритинг масаллиқларга қўшинг. Туз, мурч ва булённи қуйинг ва аралаштиринг.
6. Озиқ-овқат плонкасида колбаса шакллантиринг. Музлатгичга қўйинг.
7. Белгиланган вақт ўтиб, тайёр паштетни 3-4 мм қалинликда кесинг. Паштет бўлакларини лаганга теринг ва кўкат билан безатинг.

8. Янги нон бўлаги билан дастурхонга тортинг.Ёқимли иштаха!