Грузинча тузланган карам

Бу жуда ҳам мазали ва фойдали. Витаминларга бой. Қуюқ таомлар учун ажойиб қўшимча. Тайёрланиши оддий, натижаси сизни лол қолдириши турган гап. Ушбу ретсептни албатта тайёрланг!

Керакли масаллиқлар:

• 3 кг карам
• 1-2 дона лавлаги
• 1-2 дона саримсоқ боши
• Аччиқ қалампир
• Укроп ёки селсерей
• 3 ош қошиқ туз
• 1 ош қошиқ шакар
• 2-3 дона лавр барги

Тайёрлаш усули:
1. Карамни икки қисмга бўлинг, сўнг, ҳар бир карам қисмини 4 қисмга бўлинг. Карамни шундай кесингки, кесилган карам қисмлари сочилиб кетмасинг.
2. Лавлагини тозаланг ва ўртача қалинликда, юмалоқ шаклда кесинг.
3. Карам тузланадиган идишга лавлаги ва карамни қатор кетма-кетликда солинг.
4. Саримсоқ доначаси, кўкат ва қалампирдан солинг.
5. Лавр барги ва туз сепинг. Кастрюлкага 2 литр сув қуйинг. Туз, шакар ва лавр барги солинг. Оловга қўйинг ва қайнатинг. Иссиқ маринадни карам ва лавлаги устидан қуйинг.
6. Карам устини лаганча билан бостириб ёпинг. Устига оғир вазнда нарса қўйинг. 5-7 кун хона ҳароратида сақланг. Белгиланган вақт ўтиб, карамни олиб музлатгичга қўйинг.

7. Карамни дастурхонга тортишдан аввал ўсимлик ёғи билан сепинг. Дастурхонга тортинг.
Ёқимли иштаха!