Шилпилдоқ

Керакли масаллиқлар:

1. Гўшт (мол, қўй) - 0,5 кг.
2. Пиёз - 2 дона
3. Картошка - 3 дона
4. Қизил сабзи - 1 дона
5. Қизил ва яшил булғор қалампири - 1 донадан
6. Саримсоқ пиёз - 4-5 бўлакча
7. Помидор қайласи - 2 ош қошиқ
8. Ёғ - 100 гр.
9. Зираворлар


Ҳамир

1. Ун - 1-1,5 кг,
2. Туҳум 2 дона.
3. Номокоб сув - 1 коса.


Тайёрланиши:

1 коса сувда 1 ош қошиқ туз эритилади. Тайёр эритма унга солинади ва 2 та туҳум қўшиб, ҳамир қорилади. Ҳамир яҳшилаб муштланиб, тиндириб қўйилади.


Ҳамир тингунича, қайлани таерлаймиз. Хамма масаллиқларни тўртбурчак қилиб тўғраймиз.


Қозондаги қизиган ёғга олдин пиёзни солиб, новвот ранг тус олгунича қовурамиз. Сўнг, гўштни солиб, қовуришда давом этамиз. Кейин помидор қайласи. Сўнгра, картошка, сабзи, булғор қалампирлари, саримсоқ пиёз бўлакчалари кетма-кет солиниб, масаллиқлар чиройли қизил тус олгунича қовурамиз. Таъбга кўра, саримсоқ пиёз (яшил) ва селъдерей солиш мумкин. Бироз туз солиб, қозонга сув қуямиз. Сув ҳажми қозонга солинган масаллиқларни кўмиши керак. Сув қайнаб чиққанидан сўнг, қайла ўртача оловда 15-20 дақиқа қайнатилади.

Унгача, тинган ҳамиримиз юпқа, бир текисда қилиб ёйилади. Ҳамир қалинлиги чучвара ҳамири қалинлигидек (2-3 мм) бўлади. Ёйилган ҳамир, 8 га 8 тўртбурчак қилиб кесилади. Ҳамир бўлакчалари алохида сувда пиширилади.



Пишган ҳамирни човли ёрдамида лаганга сузамиз ва устига қайлани қуйиб, дастурҳонга тортамиз.

Ёқимли иштаха!