Маргаритка ширинлиги

Керакли масаллиқлар:

1. Ун - 3-4 стакан
2. Туҳум - 3 дона
3. Маргарин - 250 гр.
4. Сметана - 200 гр.
5. Шакар - 1 пиёла
6. Кокос кукуни - 100 гр.
7. Майдаланган ёнғоқ - 1 стакан
8. Магиз - 1 стакан
9. Қавартма (разриҳлител') - 1 қути
10. Чой содаси - 1 чой қошиқ.
11. Қуюлтирилган сут (сгушҳёнка) - 0,5 пиёла


Тайёрланиши:

Ун идишга солиниб, қавартма билан аралаштирилади. Унга уй хароратида юмшаган маргарин қўшилиб, уқаланади. Туҳум сариғи (оқидан ажратилиниб) унга солинади. Сметана ва чой содаси аралаштирилиб, унга қўшилиб, ҳамир қорилади. Ҳамир қўлга ёпишмайдиган юмшоқ бўлгунича ун қўшилади. Тайёр ҳамир 4-5 зувалага бўлиниб, тиндирилади.



Хар бир тинган зувала алохида ёйилиб, устига шакар билан кўпиртирилган туҳум оқи суртилиб, устига ёнғоқ ва магиз сепилади. Хохишга қараб магизни ўрнига мак сепиш мумкин ёки умуман магиз ишлатмаслик мумкин.



Сўнг у рулет қилиб ўралади.



Рулет ўртача катталикда кесилади. Ва дуҳовка листига терилиб, усти қизаргунича дуҳовкада пиширилади.


Пишган пишириқлар устига қуюлтирилган сут суртиб, кокос кукунига ботириб олинади. Кокос кукуни ўрнига майдаланган ёнғоқ ишлатса хам бўлади.

Ёқимли иштаха!