Милена Мадмусаева - Эй дил

Милена Мадмусаева - Эй дил Текст песни

Тақдир берган синовларга кўниб кетдим,
Майли дея, барига қўл силтаб кетдим.
Ўткинчи бу азоб экан – англаб етдим,
Лекин дилнинг оғриғига малҳам топмадим.

Унут бўлди бевафонинг ваъдалари,

Меҳрдан ҳам кўпроқ экан зардалари.
Армон бўлса бўлар энди орзуларим,
Лекин дилнинг оғриғига малҳам топмадим.

Эй дил, қайғулардан асролмадим,
Эй дил, соғинчларинг босолмадим.
Эй дил, не давойинг, оғримайсан?
Бунчалар ҳам қийналмайсан, эй дил? (х2)

Кулиб турдим дилим йиғлаб қолса ҳамки,
Нолаларим осмонларга етса ҳамки.
Унут бўлар бари вақтлар ўтса балки,
Афсус, дилнинг оғриғига малҳам топмадим.

Бугун дўстман етолмаган армонларга,
Ҳасратларим сўзлаб бердим осмонларга.
Бошим олиб кетгим келар узоқларга,
Чунки дилим оғриғига малҳам топмадим.

Эй дил, қайғулардан асролмадим,
Эй дил, соғинчларинг босолмадим.
Эй дил, не давойинг, оғримайсан?
Бунчалар ҳам қийналмайсан, эй дил? (х2)