Сардор Мамадалиев - Бури
Сардор Мамадалиев - Бури Текст песни
Бўри бўлсанг, бўридай бўл,
Бўриларнинг зўридай бўл.
Гар увласанг, кўкдан юлдуз тўкилсин,
Оҳуларнинг жон чоклари сўкилсин.
Агар бундай қила олмасанг,
Унда итга чўридай бўл. (х2)
Бургут бўлсанг, бургут бўлгин,
Қанот ёзсанг, кўкка тўлгин.
Осмон сендан шиддат кутар,
Чангалингда тоғни кўтар.
Агар шундай қила олмасанг,
Унда тамом, булут бўлгин. (х2)
Йигит бўлсанг, йигит бўлгин,
Бўри, ҳам шер, бургут бўлгин.
Ҳар бир сўзинг қасаминг бўлсин,
Мағриб-машриқ қадаминг бўлсин.
Агар шундай бўла олмасанг,
Бир сўз дема, сукут бўлгин. (х2)
Одам бўлсанг, одами бўлгин,
Аҳли иймон ҳамдами бўлгин.
Яхшиларнинг яхшиси бўлгин,
Яхшиликнинг бахшиси бўлгин.
Агар шундай бўла олмасанг,
Бу дунёнинг бир ками бўлгин. (х2)
Бу дунёнинг бир ками бўлгин,
Бўри бўлсанг, бўридай бўл. (х2)