Abdurashid Yoʻldoshev - Otajon

Dunyoda topmadim sizday qadrdon,
Sizdayin mehribon, mehri chin inson. (x2)
Yuragim qaʼridan kelar bir sado:
Boringizga shukur, otajon!
Nur yog`ilar yuzlaringizdan,
Giyoh unar izlaringizdan,
Ming maʼno so`zlaringizdan,
Boringizga shukur, otajon. {x2}
Beqiyos mehrdan qasrlar qurgan,
Dard tortsam, tunlari boshimda turgan,
Bir bora oh desam, faryodlar urgan,
Boringizga shukur, otajon.
Mudom duodasiz – egilmas boshim,
Hayot yo`llarida to`kmayman yoshim.
Boshimda porlagan yorug` quyoshim,
Boringizga shukur, otajon.
Nur yog`ilar yuzlaringizdan,
Giyoh unar izlaringizdan,
Ming maʼno so`zlaringizdan,
Boringizga shukur, otajon. {x2}
Otajon, o`glingizning omadi kuldi,
Siz qilgan duolar ijobat bo`ldi.
Endi davron suring, {x2} davringiz keldi,
Boringizga shukur, otajon.
Nur yog`ilar yuzlaringizdan,
Giyoh unar izlaringizdan,
Ming maʼno so`zlaringizdan,
Boringizga shukur, otajon. {x2}