Жахонгир Отажонов - Сохибжамолим
Жахонгир Отажонов - Сохибжамолим Текст песни
Ёғду сочар, кетар зулмат тунинда
Менинг соҳибжамолимни кўрдингму?
Баҳор айёмида, Наврўз кунинда
Менинг соҳибжамолимни кўрдингму?
Анқо сифат “ҳу” деб, кўкка учган қуш,
Кечаси тирикдир, кундузи беҳуш.
Навоий жандалик, эгни ҳирқапуш
Қон этибдур фалак, бағрим фироқда,
Доимо кезарман ёр деб, сўроқда.
“Каъба” тарафинда, Шомда, Ироқда
Менинг соҳибжамолимни кўрдингму?
Ошиқлар оҳида, кун-зун баҳрида,
“Қутбайил Ислом”да, Жайхун наҳрида.
Садро саҳросида, Исо шаҳрида,
“Каъба” тарафинда, Шомда, Ироқда,
Менинг соҳибжамолимни кўрдингму?
Ҳазрат Али этгач оламга давр,
Кофдан “Каъба” кетди, ҳазратнинг чави.
Ё иқлим эгаси – ҳазрат Яссавий,
Менинг соҳибжамолимни кўрдингму?
Маскан тутмиш Қоратоғнинг бурнида,
Алининг мулкида, Исо ўрнида.
Ернинг орқасинда, кўкнинг қўйнида,
Менинг соҳибжамолимни кўрдингму?
Маҳтумқули чекар ёрнинг ғамини,
Кезиб топа билмас рўйи-заминни.
Ё оти Жаброил, ҳақнинг амини,
Менинг соҳибжамолимни кўрдингму?
Ошиқлар оҳида, кун-зун баҳрида,
“Қутбайил Ислом”да, Жайхун наҳрида.
Садро саҳросида, Исо шаҳрида,
“Каъба” тарафинда, Шомда, Ироқда,
Менинг соҳибжамолимни кўрдингму?