Дилдора Ниёзова - Кечир

Дилдора Ниёзова - Кечир Текст песни

Бугун кечир, деб эрта хато
Қилаверамиз яна.
Билиб шайтон йўлига такрор
Кираверамиз яна.

Кўзимиздан тўкиб ёш,
Саждаларга уриб бош,
Яна бўлиб бағритош,
Адашган ҳам ўзимиз.

Келдик бизлар йўқликдан,
Ўтдик тўқлик, шўхликдан.
Бир куни қил кўприкдан
Маҳкам тутгин қўлимиз.

Кечир, кечир, кечир, кечиргин Оллоҳ,
Яхши, ёмонимиздан ўзинг огоҳ.
Кечир, кечир, кечир, кечиргин Оллоҳ,
Икки дунё бизларга бўлгин паноҳ.

Бердинг ажр-у хидоят
Ҳар йўлимизда.
Бердинг хирс-у ҳимоя
Зор кўнглимизга.

Бердинг файз-у барокат,
Ризқ-рўзимизга.
Лек биз қилдик хиёнат
Ўз-ўзимизга.

Беш кунлик дунё рўёдек гўё,
Қилай илтижо, кечиргин Худо.

Кечир, кечир, кечир, кечиргин Оллоҳ,
Яхши, ёмонимиздан ўзинг огоҳ.
Кечир, кечир, кечир, кечиргин Оллоҳ,
Икки дунё бизларга бўлгин паноҳ.

Кечиргин Оллоҳ, ўзингсан паноҳ.
Кечиргин Оллоҳ…