Дилмурод Султонов - Фарзанд доги

Дилмурод Султонов - Фарзанд доги Текст песни

Кўз олдимдан кетмаяпсан, ойим қизим,
Ўн бир ёшга тўлолмаган қаро кўзим.
Эшиги йўқ, туйнуги йўқ зулматларда
Ётармисан энди ёлғиз, жоним қўзим?

Ўнта бўлса, ўрнинг бошқа эди сенинг,
Кўрар кўзим, жигарбандим эдинг менинг.

Бу кун бизнинг орамиздан кетиб қолдинг,
Очилмасдан ўн гулингдан битта гулинг.

Кўз ёшларим сел бўлди сен кетар чоғи,
Ўлимдан ҳам оғир экан фарзанд доғи, фарзанд доғи.

Сен яшарсан мангу хаёл-ҳушларимда,
Овунарман, кўрсам агар тушларимда.
Тинмай қилдим Оллоҳимга нолаларим,
Йиғлайвериб, куч қолмади кучларимда.

Ўн бир йилда ўн саккиз кун бемор бўлдинг,
Ожиз қолдинг, хасталикни енголмадинг.
Жонинг учун юборилган фариштага
Наҳот, менга кераклигинг айтолмадинг?

Кўз ёшларим сел бўлди сен кетар чоғи,
Ўлимдан ҳам оғир экан фарзанд доғи, фарзанд доғи.

Қанийди, мен тўйларингни кўрсам эди,
Бўйинг етса, бўйларингни кўрсам эди.
Қават-қават армонлари бор отангнинг,
Набирам деб фарзандингни суйсам эди.

Кўз ёшларим сел бўлди сен кетар чоғи,
Ўлимдан ҳам ёмон экан фарзанд доғи, фарзанд доғи.

Фарзанд доғи, фарзанд доғи…