Мурод Манзур - Мусофир юртларда йигладим она (Мусофир 2)
Мурод Манзур - Мусофир юртларда йигладим она (Мусофир 2) Текст песни
Ҳар сафар турсам гар, атроф бегона,
Ҳолим сўргувчи йўқ, кўнглим ғамхона.
Хаёлан сўзлашиб тўрт девор хона,
Мен сизни соғиниб йиғладим, она.
Юрибман орзуим барорин тилаб,
Омадим бер, дея Худодан сўраб.
Уйга қайтаётганларнинг ортидан қараб,
Юр кетдик, десалар ҳам кетмадим, она.
Уйга қайтаётганларнинг ортидан қараб,
Юр кетдик, десалар ҳам кетмадим, она.
Не қилай, мажбурман, ишлашим керак,
Мусофирлик нонин тишлашим керак.
Баҳорга етмоқ учун қишлашим керак,
Ношукурнинг сўзин айтмадим, она.
Сизга айтсам, бунда ҳаёт биздекмас,
Овқатларим турфа, ошим туздекмас,
Қаҳратони дахшат, қиши биздекмас,
Бундай қишни асло кўрмадим, она. {х2}
Бунда кўпдир болам-чақам деганлар,
Водий, Воҳа томонлардан келганлар.
Бир майизни қирққа бўлиб еганлар,
Шундай инсонлар билан ишладим, она.
Бу ерларда кўрмадим саъва, бедана,
“Буханка”дан тополмайсиз битта седана.
Баъзан дейман қўл силтаб: келдим қайдан-а?,
Охири не бўлар, билмадим, она.
Баъзан дейман қўл силтаб: келдим қайдан-а?,
Охири не бўлар, билмадим, она.
Баъзан оғир меҳнатдан безилиб кетдим,
Мусофирлик хўп оғир, сезилиб кетдим,
Сизга айтсам, баридан эзилиб кетдим,
Онам сиқилмасин деб, айтмайман, она.
Менинг ишлаш маконим ўрмон томонда,
Ҳар кун ҳар хил одамлар, оқибат гумонда.
Меҳнатгаку чидайман, лек соғинч ёмонда,
Сизни мен соғиниб йиғладим, она,
Сизни жуда соғиниб йиғладим, она.
Қишлоғим кўз ўнгимда турибди ҳамон,
Эгри-бугри кўчаларни соғиндим ёмон.
Жиззали нон берворинг, ким келса бу томон,
Егим келди, очликдан сўрмадим, она. {х2}
Бўпти майли, Онажон, ухлашим керак,
Эрта тонг яна ишга боришим керак.
Тақдиримга янги кун битишим керак,
Кўришгунча хайр, демадим, она.
Тақдиримга янги кун битишим керак,
Кўришгунча хайр, демадим, она.
Соғ-саломат бўлинг доим – сўрадим, она…