Юлдуз Усмонова - Атиргул
Юлдуз Усмонова - Атиргул Текст песни
Қўйгин, тиконларинг санчма менга, гул,
Дилим ёмон ўйдан йироқдир буткул.
Ёқимли бўйингни соғинди кўнгил,
Ифоринг қизғонма мендан, атиргул.
Тақдир саодатни қизғанди етар,
Суйганим висолни қизғанди етар,
Ифоринг қизғонма мендан, атиргул.
Атиргул, гул, гулим, атиргул,
Сендан кўнгил йироқдир буткул.
Хушбўй исдан маст бўлганда дил,
Тиконларинг санчма, атиргул. (х2)
Юрагим тўла дард, тинглагувчи йўқ,
Йиқилсам дўст бўлиб суягувчи йўқ,
Сендан ўзга кўнглим хушлагувчи йўқ,
Ифоринг қизғонма мендан, атиргул.
Ё яшаш сирини билолмадимми?
Худонинг берганин ололмадимми?
Бир дайди елчалик бўлолмадимми?
Ифоринг қизғонма мендан, атиргул.
Атиргул, гул, гулим, атиргул,
Сендан кўнгил йироқдир буткул.
Хушбўй исдан маст бўлганда дил,
Тиконларинг санчма, атиргул. (х2+х2)