Faxriddin Umarov - Gul yuzing

Gul yuzing ul balqigan, dil etdi shod,
Shuʼlasi yondirdi bag`rim, dil kabob.
Ko`p qiyos etdim jamoling safsarin, {x2}
Unda nur sochgan jahonga oftob.

Lablaring chashmai obi-hayot,
Bilmadim, mast qildi ichgandek gulob.
Qo`rqaman to`lg`onsa ikki kokiling,
Pardadek husningga bo`lmasmu niqob.

Qo`rqaman to`lg`onsa ikki kokiling,
Pardadek husningga bo`lmasmu niqob.

Labda yongan dona holingni ko`rib,
So`ylasin oshiqlaring qo`lda rubob.
Tebratib Maʼruf qalam, arz ayladi,
Kel, yozaylik chin muhabbatdan kitob.

Tebratib Maʼruf qalam, arz ayladi,
Kel, yozaylik chin muhabbatdan kitob.

Gul yuzing ul balqigan dil etdi shod,
Shuʼlasi yondirdi bag`rim, dil kabob.