Faxriddin Umarov - Jamoling

Jamoling vasfini, ey oy, necha eldin eshitgaymen? {x2}
Ne kun boʻlgʻay visolingga meni dilxasta yetgaymen? {x2}

Tarahhum yuzidin yuzingni koʻrmakka buyurgaysen,
Xush ulkim, orazing koʻrgaymen-u, soʻzung eshitgaymen. {x2}

Qulingdurmen, soching zanjirini boʻynimga mahkam qil, {x2}
Ki, vodiyi firoqing ichra qoʻrqarmenki, yitgaymen. {x2}

Tarahhum qilmasang yo boqmay, istigʻno bila oʻtsang,
Tazarru qilgʻamen yo yigʻlagʻaymen — oʻzga netgaymen?! {x2}

Muyassar boʻlmasa boshimni qoʻymoqlik oyogʻiga, {x2}
Boshimni olib, ey Bobur, oyoq yetguncha ketgaymen. {x2}