Dunyodagi eng zaharli maxluqotlar top 10 taligi

Sayyoramizda eng kichik maxluqotlarning ham inson hayoti uchun xavfli boʻlgan zahari boʻlishi mumkin. Ushbu maqolada dunyodagi zahari eng kuchli jonzotlar haqida hikoya qilinadi.

10-oʻrin. Oʻrta Osiyo kobrasi
Bu ilonning chaqishidan keyin odam holsiz boʻla boshlaydi, keyin tirishish boshlanib, nafas olish tezlashadi va tegishli choqalar koʻrilmasa, oʻlim bilan yakunlanadi. Oʻrta Osiyo kobrasining oʻldiradigan zahari 1 kg ga 0,85 milligramni tashkil etadi. (mg/kg)

9-oʻrin. Braziliyaning askar oʻrgimchagi
2010 yilga qadar 0,045 mg/kg korsatkichi bilan “qora beva” eng zaharli oʻrgimchak hisoblanar edi. Ammo keinchalik Braziliya askar oʻrgimchagining zahari ikki barobar kuchli ekanligi aniqlandi. Bu zahar inson qoniga tushsa, butun qon tizimini ishdan chiqarib, 85% holda yurak toʻxtashiga sabab boʻladi.

8-oʻrin. Konus geografik mollyuski
Bir qarashda chigʻanoqni eslatadigan bu maxluqotni zaharli, deb boʻlmaydi. Ammo uning zahridan Tinch okeanida yiliga 2-3ta odam halok boʻladi. Zahari 0,012 mg/kg ga teng.

7-oʻrin. Chirikita baqasi
Dunyodagi eng zaharli baqalardan biri hisoblanadi. Zahri 0,01mg/kg ga teng.

6-oʻrin. Sariq chayonChayonning bu turi chaqqanda 95% holda oʻlim bilan yakunlanadi. Zahrining koʻrsatgichi 0,009 mg/kg ga teng.

5-oʻrin. Fugu baligʻi
Zahar baliqning toʻqimalarida joylashgan boʻlib, u inson organizmiga tushganda nerv kanallarini ishdan chiqaradi. Fugu baligʻining goʻshtidan zaharlanish hollari 80% holda oʻlim bilan yakunlanadi. Zahrining koʻrsatgichi 0,008 mg/kg.

4-oʻrin. Taypan
Bu ilonning chaqishi inson hayoti uchun xavfli. Uning zahriga qarshi antidot ishlab chiqargunga qadar 90% holda odamlar halok boʻlar edi. Zahrining koʻrsatgichi 0,002mg/kg ga teng.

3-oʻrin. Daraxt baqasi
Bu dunyodagi eng zaharli baqa sanaladi. Zahar uning terisi tomonidan ishlab chiqariladi. Shuning uchun ularni qoʻlga olishning oʻziyoq oʻlimga sabab boʻlishi mumkin. Bu baqaning zahridan hindular zaharli oʻqlar tayyorlashda foydalanganlar.

2-oʻrin. Koralli poliplar
Zahar inson organizmiga tushar ekan, koʻkrak qafasida qattiq ogʻriq hosil qilib, bir necha daqiqada oʻlimga olib keladi. Zahri shunchalik kuchliki, 0,00015 mg/kg ni tashkil etadi.

1-oʻrin. Barg yeyuvchi Afrika qoʻngʻizi
Bu qoʻngʻiz dunyodagi hayvonlar tomonidan ishlab chiqariladigan eng kuchli zaharga ega. Zahar hattoki qoʻngʻizning lichinkalarida ham mavjud. Zahrining koʻrsatgichi 0,000025mg/kg ga teng.