Атрофдагиларнинг кўнглига йўл топишда аҳамиятли бўлган 6 та жиҳат

Ҳар бир инсон шахсий ривожланиши ва атрофдагилар билан тил топишишда муҳим бўлган жиҳатлар мавжуд. Қуйида улардан бир нечтасини сизга ҳавола этамиз.

1. Ҳеч қачон шошилиб турли ҳулосаларга борманг!
Бундай одат бизни икки карра ўлдира олиш кучига эга. Ўзимизча нима бўлишини билгандек бўламиз-да, шошилиб қарорлар чиқарамиз. Бундан ташқари одамларни фикрини ўқигандек бўламиз ва уларнинг ҳаракатларини тушунишга уринамиз. Айнан шу нарса яқинларимиз билан орамиздаги илиқ муносабатларимизни бузади. Биров билан гаплашмай, фикрини аниқ билмай туриб ҳеч қачон кўнглингизни ундан қолдирманг.
2. Кичик нарсани катталаштирманг.
Кўпчилигимиз кичик омадсизликларга учраб қолсак, дархол тушкунлик либосини кийиб оламиз. Аслида уларни тик туриб, ғурур билан енгиб ўтишимиз керак эмасми? Пашшадан фил ясаш каби одатларимизни бекор қилишимиз керак. Бундай одатлар бизни одамларнинг раҳмини келтирувчи шахс қилиб кўрсатади.
3. Қоидалар ўйлаб топманг.
Биз ўйлаб топган “керак”, “зарур” қоидалар ҳеч кимга керак эмас, айниқса бизга. Буларнинг барчаси сафсата гаплар. Ўзимиз ўйлаб топган қоидалар бизни керакциз ёки ҳеч нима қўлидан келмайдиган инсон қилиб кўрсатади. Ҳаётни иложи борича осон қабул қила олишимиз зарур.
4. Йўлингиздан дуч келадиган тўсиқлардан қочинг!
Мақсадларингиз ушалмай қолса, ортга чекинманг. Ўз йўлингизда тўсиқлар барпо этманг, сизга ишонмайдиган салбий гаплар гапирувчи инсонлардан қочинг. Улар ҳаётингизда тўсиқ яратишга ҳаракат қилишади. Эҳтиёт бўлинг, гапираётган гапларингизни билиб гапириг.
5. Мукаммал бўлиш учун ҳаракат қилманг.
Бу дунёда ҳеч ким мукаммал бўла олмайди. Шундай экан, ишда ҳам, шаҳсий ҳаётда ҳам ҳамма нарса мукаммал бўлши учун ҳаддан зиёд куч сарф қилманг.
6. Ҳамма нарсани ҳам юрагингизга яқин олманг.
Ҳар бир гапга эътибор бераверсангиз бундай яшаб нима қиласиз? Одамларнинг гапи билан эмас, ўз принципларингизга биноан яшанг. Сизни билмайдиган инсонлар сиз ҳақингизда қандай ўйлашлари билан қизиқманг. Сиз ҳақингизда биладиган эса ғийбат қилсалар икки карра бефарқ бўлинг. Акс ҳолда ўз ҳаётингизда эмас, балки гаплар дунёсида яшаётган бўласиз.