Oʻlmas Olloberganov - Onam

Yomgʻir boʻlib yigʻlar onam,
Iztiroblardan dodlasam.
Netay toʻlmoqda paymonam,
Onam roʻmolin hidlasam. (x2)
Yolgʻiz suyanchigʻim onam,
Boshqa hech kimim yoʻq edi.
Boshimni silar yagonam,
Borida koʻnglim toʻq edi.
Shamol boʻlib esar onam,
Dardga chidolmay oh ursam.
Onamga hamroh ostonam,
Namli koʻzlarimga surtsam.
Onam, onam,
Ne kunlarni koʻrmagan onam.
Onam, onam,
Sabrligim, moʻminim onam.
Qancha gʻamni koʻrgan onam,
Men deb boʻldi umri xazon.
Kulib silardi peshonam,
Qayda endi u mehribon?
Xazin kuyday yangrar onam,
Bu azoblardan ingrasam.
Chaqirsaydi deb “bolam”,
Zora tushimda tinglasam.
Xayolimda tirik onam,
Uyga kiraman shoshilib.
Huvillab qolgan koshonam,
Yigʻlayman unga qoʻshilib.
Koʻz yosh boʻlib oqar onam,
Yuzlarim silaganday.
Netay toʻlmoqda paymonam,
Yigʻlamasdan yashay qanday? {x2}
Onam, onam,
Boʻylaringdan oʻrgilay, onam.
Onam, onam,
Koʻzlaringdan oʻrgilay, onam. (x2)
Onam…