Abzal Husanov - Hechqisi yoʻq

Bir goʻzalning koʻchasidan oʻtsam har kun kular edi,
Yoqtirdimi-yoʻq bildirmay, boqmay bagʻrim tilar edi.
Uchrashuvga qizginani taklif qildim koʻksimda choʻg‘,
Unamadi nozlar qilib, dedim, mayli hechqisi yoʻq!

Hechqisi yoʻq, hechqisi yoʻq, uchrashuvga chiqqisi yoʻq,
Hechqisi yoʻq, hechqisi yoʻq, nozlaridan kechgisi yoʻq.

Yogʻdusi bor nigohida, qoʻshziraklar qulogʻida,
Olib bersam, lov-lov yonsa tillo uzuk barmogʻida.
Qoʻngʻiroqlar qilsam yoʻq-yoʻq, adashdingiz kula shoʻx-shoʻx,
Goh urushib, qilsa ham doʻq, dedim, mayli hechqisi yoʻq!

Hechqisi yoʻq, hechqisi yoʻq, uchrashuvga chiqqisi yoʻq,
Hechqisi yoʻq, hechqisi yoʻq, nozlaridan kechgisi yoʻq.

Uzun tunlar oʻyga toldim, yangasini ishga soldim,
Ammasiga, hammasiga antiqa sovgʻalar oldim.
Uchrashuv ham boʻldi tayin, yor soʻzlari boʻldi mayin,
Endi boʻldi sizga qiyin, desam, kuldi hechqisi yoʻq!

Hechqisi yoʻq, hechqisi yoʻq, mandek yordan kechgisi yoʻq,
Hechqisi yoʻq, hechqisi yoʻq, nozlaridan kechgisi yoʻq.

Hechqisi yoʻq, hechqisi yoʻq, mandek yordan kechgisi yoʻq,
Hechqisi yoʻq, hechqisi yoʻq, chimildiqdan chiqqisi yoʻq.