Asliddin Doʻstov - Yodimdasan

Sen doim yodimdasan, hamon yodimda,
Ekkan atirgullaring kular bogʻimda.
Yurak entikib yigʻlar sening dogʻingda,
Sen ham eslarmisan, ayt, gohida meni?

Yodimdasan, hamon yodimda,
Yodimdasan, hamon yodimda. (x2)

Sochlarimga qoʻnadi qorning parchasi,
Hamon bir xil libosda qalbim archasi.
Quvonch sira chertmaydi koʻngil darchasin,
Sen ham eslarmisan, ayt, gohida meni?

Yodimdasan, hamon yodimda,
Yodimdasan, hamon yodimda. (x2)

Ikkimizni eslashib bulutlar yigʻlar,
Yomgʻirlarning kuylashi qalbimni tigʻlar,
Hanuz armonlar mening ortimdan quvlar,
Sen ham eslarmisan, ayt, gohida meni?

Hanuz armonlar mening ortimdan quvlar,
Sen ham eslarmisan, ayt, gohida meni?

Yodimdasan, hamon yodimda,
Yodimdasan, hamon yodimda. (x2)

Yodimdasan, hamon yodimda…