Abdulla Qurbonov - Doʻst

Doʻst asqotar bosh bukilsa kulfatlardan,
Kulfatlarni topar odam ulfatlardan. (x2)

Sen doʻst qidir, ulfatga koʻp ishonmagin,
Saqlan oʻzi shayton odamsifatlardan. (x2)

Jonga oro kiruvchi doʻst qadriga yet,
Bir doʻst aʼlo ming xazina, ziynatlardan. (x2)

Ostonangdan ketmay koʻzing yogʻin yalab,
Ulfat hazar qilmas xatto tuhmatlardan.

Haqiqiy doʻst – doʻstingman deb aytmaydi hech,
Ajratib ol sen lochinni kalxatlardan.

Jonga oro kiruvchi doʻst qadriga yet,
Bir doʻst aʼlo ming xazina, ziynatlardan. (x2)

Vafo nima qilsin qomat, suvratlarda?
Sadoqatni izla botin siyratlardan.

Koʻkda yolgʻiz Xudo doʻsting demagin,
Doʻst tanlagin Muhammadga ummatlardan.

Jonga oro kiruvchi doʻst qadriga yet,
Bir doʻst aʼlo ming xazina, ziynatlardan. (x2)