Abdurashid Yoʻldoshev - Roʻmolda

Ochilgan-sochilgan bo`stonda
Taʼrifi betakror g`azalsan. (x2)
Yulduzlar sig`magan osmonda
Ro`molda juda ham go`zalsan,
Ro`molda go`zalsan, go`zalsan.

Aylanay tengi yo`q mulkingdan,
O`zgalar tutolmas ilkingdan.
Sirlarga ko`milgan kulgingdan,
Ro`molda juda ham go`zalsan,
Ro`molda go`zalsan, go`zalsan.

Poyingda yig`lagum kuy bitib,
Hayotim maʼnisin qand etib.
Xayolim to`risin band etib,
Ro`molda juda ham go`zalsan,
Ro`molda go`zalsan, go`zalsan.

Serjilva ayoldan qo`rqaman,
Nojoiz xayoldan qo`rqaman,
Aldamchi visoldan qo`rqaman,
Ro`molda juda ham go`zalsan.

Yuragim hijronga bulg`anmas,
To`lg`ongan sochlarga to`lg`onmas.
Cho`chimay ishon, bu yolg`onmas,
Ro`molda juda ham go`zalsan,
Ro`molda go`zalsan, go`zalsan.

O`zga qalb zabt etmas yerimsan,
Birov yod olmagan sheʼrimsan.
Onang ham bilmagan sirimsan,
Ro`molda juda ham go`zalsan,
Ro`molda go`zalsan, go`zalsan.

Ochilgan-sochilgan bo`stonda
Taʼrifi betakror g`azalsan.
Yulduzlar sig`magan osmonda
Ro`molda juda ham go`zalsan,
Ro`molda go`zalsan, go`zalsan.

Ro`molda juda ham go`zalsan,
Ro`molda go`zalsan, go`zalsan.