Баходир Мамажонов - Аллакачонлар
Баходир Мамажонов - Аллакачонлар Текст песни
Эҳ, умр оқар дарё деганларини вақти етибгина англаймиз. Сочга қиров қўнганда болаликдаги болаларча беғубор муҳаббатимизни эслаб қоламиз.
Севиб, исмини дарахтга ўйиб ёзганимиз ўша чиройли қиз – ҳозир юзларига ажин тушган аёл, бир этак боласи бор. Энди унга муҳаббат эртак, энди унга муҳаббат эрмак.
Болалик узоққа чўзилган ширин тушга ўхшайди. Ўзим юпун, лекин бағир бутун эди. Ёш эдим – олов эдим. Ёнимда акам – елкалари тоғдай, хушсурат акам.
Кўрсам кўнгил, қучсам бағир тўларди. Менга суянч, менга ишоч, менга далда бўлган меҳрибон акам ҳозир ўзи далда-ю меҳрга муҳтож.
Узоқ йўл юрган йўловчи ҳориб бир жойда тўхтайди. Бир боражак манзилига қараса, бир босиб ўтган йўлига қарайди. Сочдаги оқ – армонлармасмикан-а?..
Қачондир, қачондир бу ердан, юзим бурибман,
Юрибман, юрибман тинмай юрибман.
Олисда ҳолимни билмай юрибман –
Менга ёмон бўлибди аллақачонлар!
***
Қачондир довдираб юрган қулунлар,
Қуёшни илк бора кўрган қулунлар. (х2)
Туёғи чалмашиб юрган қулунлар
Учқур саман бўпти аллақачонлар. (х2)
Ўҳ, ўҳ, ўҳ,
Учқур саман бўпти аллақачонлар. (х2)
Қачондир осмонни ағдарарди ҳам,
Димоғим ачишди, кўзга келди нам: (х2)
Мени елкасида кўтарган акам –
Қадди камон бўпти аллақачонлар. (х2)
Ўҳ, ўҳ, ўҳ,
Қадди камон бўпти аллақачонлар. (х2)
Қачондир юзида кўргандим юлдуз,
Юзи олма каби таранг ва қирмиз. (х2)
Менга рўмолчалар берган ўша қиз –
Ранги сомон бўпти аллақачонлар. (х2)
Мени елкасида кўтарган акам –
Қадди камон бўпти аллақачонлар. (х2)
Қадди камон бўпти аллақачонлар… {х2}