Кондиционердан фойдаланганда нималарга аҳамият бериш керак?


Ёзнинг жазирама кунлари бошланиши билан ҳавони мўтадиллаштириб, танага ҳузур бағишловчи кондиционернинг жуда кўпчиликка манзур бўлишига шак-шубха йўқ. Лекин ундан тўғри фойдаланишни билмайдиган кишилар соғлиқларидан шикоят қилишлари ҳам ҳеч гап эмас. Кондиционердан фойдаланиш борасида қуйидаги йўл-йўриқларимиз сизга асқотади деган умиддамиз.
Агар ташқарида ҳаво 30 даражадан юқори бўлса, ичкаридаги ҳаво ундан 5-7 даража паст бўлиши керак. Акс ҳолда, тана ҳароратининг бирданига пасайиб кетиши тумовга сабаб бўлиши мумкин. Чунки иссиқда тери катакчалари кенгаяди ва тана уни совитиш учун тер ишлаб чиқаради. Кондиционернинг совуқ ҳаво оқимидан эса терлаб турган бадан ҳарорати бирданига пасайиб кетади.
Кун жуда исиб кетган пайтларда шифокорлар юрак қон-томир касалликлари билан оғриган беморларга ҳам кондиционердан фойдаланишни тавсия этадилар.



Агар кондиционердан узоқ вақт фойдаланилмаган бўлса, уни ишлатишдан аввал ҳонани 20-30 дақиқа давомида шамоллатиб қўйиш керак.
Кондиционернинг ҳаво пуркаш жойида ҳеч қандай тўсиқ бўлмаслиги керак. Акс ҳолда, электр энергиясининг беҳуда сарфлангани қолади.

Кондиционер ёқилганда хаво оқимини юқорига, яъни шифтга йўналтиринг. Шунда совуқ ҳаво ҳона бўйлаб жуда тез тарқалади.
Болалар каравотини кондиционер тагига қўйиш алсо мумкин эмас.
Шуни унутмаслик лозимки, болалар бўлган ҳонада кондиционерларни ёқиб қўйиш ярамайди. Чунки боланинг териси жуда нозик бўлиб, кондиционернинг совуқ ёки иссиқ ҳавосига дош беролмайди.

Филтрни бир ойда бир марта, агар кондиционер ўрнатилган жойда чанг миқдори кўп бўлса, ундан ҳам кўпроқ тозалаб туриш керак. Аввал филтр чангюткич ёрдамида тозаланади, сўнг сув билан яхшилаб ювиб юборилади.
