Doʻstlarim, odamga odam gʻanimat

Baxtim oʻtkinchidir, nolam gʻanimat,
Har bitta bosilgan qadam gʻanimat.
Qadrlab yashaylik goʻzal hayotni,
Doʻstlarim, odamga odam gʻanimat...

Boshga balo bular tilning ofati,
Unutmang, bitmaydi dil jarohati...
Tirigida boʻlsin har kimning qadri
Doʻstlarim, odamga odam gʻanimat..

Baxt boylikda emas, insoniylikda
Iymondan qimmatroq hech narsa yoʻqda
Shoshma, tirikchilik demagin toʻxta!
Doʻstlarim odamga odam gʻanimat..