Бандалик ҳаққи (бурчи)

Абу Айюб Ансорийдан ривоят қилинади___
Аллоҳ Расули (с.а.в.) айтдиларки___
— Бир мусулмоннинг бошқа бир мусулмон биродаридан уч кундан ортиқ гаплашмай кетиши, у билан уч кундан ортиқ араз бўлиши жоиз эмас.

Ва яна бир-бирлари билан учрашиб қолганда, бири юзини у тарафга, иккинчиси юзини бу тарафга ўгирганча ўтиб кетиши ҳам жоиз эмас.Улардан қай бири яхшироқ бўлса, иккинчисига биринчи бўлиб салом беради ва сўз бошлайди.
Ривоят қилинишига қараганда, Аллоҳ ваҳий йўли билан Ҳз. Юсуфга шундай деб буюрди___
— Ака-укаларингни кечирганинг учун дунёда ва охиратда сенинг мартабангни ва шонингни улуғроқ қилдим.
Ҳз. Ойша — Аллоҳ ундан рози бўлсин — шундай дейди___
— Аллоҳ Расули (с.а.в.), ўз нафси учун ҳеч қачон ҳеч кимдан қасос олмади.
Фақат Аллоҳнинг бир амри топталганидагина Аллоҳ учун қасос олди.
Ибн Аббос - Аллоҳ ундан рози бўлсин — шундай дейди___
— Бировнинг камчилигини кечирган ҳеч бир кимса йўқки, Аллоҳ унинг мартабасини юксалтирмаган бўлсин...
Аллоҳнинг Расули — Аллоҳнинг саломи устларига ёғилсин — дедиларки___
— Закот берган билан мол камаймайди.
Аллоҳ бир кимсани афв этса, унинг мартабасини орттиришдан бошқа нарса қилмайди.
Аллоҳ учун тавозу кўрсатган бирон киши йўқки, Аллоҳ унинг даражасини юксалтирмаган бўлсин!

Абу Хомуд Ғаззолий✍

Мукошафат-ул қулуб📚

БАНДАЛИК ҲАҚҚИ (БУРЧИ) бўлимини якунладик, иншааллох кейинги бўлимларни ҳам сизга тақдим этамиз..