Қазо намози

Қазо намози
Қазо намози


– Бир киши бир намозни узр сабабли ўз вақтида ўқимаса, нима қилади?
– Сўнгра қазо қилиб ўқийди.

– Бир кишининг бир намози қазо бўлиб, иккинчи намознинг вақти кириб қолса, у киши қайси намозни ўқийди, яъни аввал қазо намозни ўқийдими ёки вақти кирган намозни ўқийдими? Масалан, пешин намози қазо бўлиб, ҳануз қазосини ўқимай, аср намозининг вақти кириб қолса, аввал пешин намозининг қазосини ўқийдими ёки асрни ўқийдими?
– Умрида намозларни беш мартадан ортиқ қазо қилмаган киши бўлса, аввал қазо бўлган намозни ўқиб, ундан сўнг вақти кирган намозни ўқиши фарздир. Қазо бўлган намозни ўқимасдан вақти кирган намозни ўқиши дуруст эмас. Aммо умри давомида беш намоздан ортиқ қазо қилган кишидан бу тартиб соқитдир. Яъни, унга тартиб фарз эмас, у тартиб эгаси эмас. Демак, у киши хоҳласа, қазо бўлган намозни аввал ўқийди.
– Тартиб соқит бўлмаган киши қазо намозни эсдан чиқариб, вақти кирган намозни ўқиса, намози тамом бўлмасдан қазо бўлган намози эсига тушса, ўқиб турган намози бузиладими?
– Бузилади.

– Вақти кирган намозни ўқиб тамом қилгандан сўнгра қазо қилган намози эсига тушса, ўқилган намози дуруст бўладими?
– Дуруст бўлади, бошқатдан ўқиш лозим эмас.

– Қазо бўлган намозга машғул бўлса, кейинги намознинг вақти чиқиб кетиш хавфи бўлса, аввал қайси намозни ўқийди?
– Aввал вақти кирган намозни ўқийди, қазо намозни ундан кейин ўқийди.

– Узрсиз бирор намозни ўз вақтида ўқимасдан қазога қолдириш дуруст бўладими?
– Дуруст бўлмайди, ниҳоятда улуғ гуноҳлардандир.

– Бир куннинг беш вақт намози қазо бўлса, аввал қайсини қазо қилади?
– Бомдод намозидан бошлаб то хуфтон намозигача ўз тартибида қазо қилади.

– Қазо бўлган намознинг фақат фарзини ўқийдими ёки суннатни ҳам ўқийдими?
– Фақат фарзини ўқийди, суннатини ўқимайди, лекин бомдод намози қазо бўлган бўлса, пешин вақти кирмасдан қазосини ўқиса, у вақтда бомдоднинг суннатини ҳам қазо қилади.

– Витр намози вақтида ўқилмаса қазо қилинадими?
– Қазо қилинади.

– Жума ва ҳайит намозлари-чи?
– Қазо қилинмайди. Жумани ўқимай қолган киши ўрнига пешин намозини ўқийди. Aммо ҳайит намозини қазо ҳам қилмайди ва ўрнига ўқиладиган намоз ҳам йўқ.

– Бомдод намози, шом намози ва хуфтон намози қазо қилинганда аввалги икки ракатлар овоз чиқариб ўқиладими ёки ичида ўқиладими?
– Ушбу намозлар жамоат билан қазо қилинса, овоз чиқариб ўқиш имомга вожибдир. Ёлғиз қазо қилувчига ичда ўқиш вожибдир.

"Ибодати исломия"дан.

Сиз билган ва билмаган намозлар

1. ФАРЗ намоз. 2. СУННАТ намоз. 3. ВИТР намоз. 4. ТАРОВЕҲ намоз. 5. МУСОФИР намоз. 6. ЖУМА намоз......

Витр намози

Савол: Витр намози қандай ўқилади ва у неча ракат? Жавоб: Витр 3 ракат бўлиб, Ҳуфтондан кейин ўқилади, ундан олдин жоиз эмас. Ким витр ўқимоқчи бўлса намозни бошлаш учун такбир айтади, сўнг “Сано” “Тааввуз” “Басмала” “Фотиҳа” ва зам сураларни ўқийди. Сўнгра руку ва икки бор сажда қилади. Кейин иккинчи ракатга туради ва бошқа намозлар каби давом...

Қиёмат куни сени аҳволинг қандай бўлади?

• Сен вақтингни беҳуда кетказганингга афсусланасан! • Сен кераксиз нарсалар билан банд бўлганинг учун афсусланасан! • Сен вақтида ўранмаганинг учун афсусланасан! • Сен кўзингни тиймаганинг учун афсусланасан! • Сен намозни адо этмаганинг учун афсусланасан! • Сен рўза тутмаганинг учун афсусланасан!......

Энг чиройли дуо

"Пайғамбаримиз Муҳаммад салаллоҳу алайҳиссалом ДУО ҳам ИБОДАТдир деб марҳамат қилганлар. Пайғамбаримиз алайҳиссалом "НАМОЗлари сўнгида ушбу ДУОни ўқиганлар......

Расулуллоҳ соллаллоҳу алайҳи васаллам биласизми кимни кўришни орзу қилган

Расулуллоҳ соллаллоҳу алайҳи васаллам биласизми кимни кўришни орзу қилган... 😢 Бир куни Расулуллоҳ ﷺ йиғладилар. 🔹Буни кўрган саҳобалар: “Сизни нима йиғлатди, эй Аллоҳнинг Расули?” деб сўрашди......

Улуғ зотлар таҳорат ҳақида

1. Усмон ибн Аффон розияллоҳу анҳу: «Агар қалбларимиз пок бўлса, Роббимизнинг каломидан тўймайди», деган......

Хаё иймондандир

Абу Хурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Хаё иймондандир, иймон (соҳиби) жаннатдадир. Ҳаёсизлик жафодир, жафо (эгаси) дўзахдадир», дедилар». (Термизий, Ибн Ҳиббон ва Ҳоким ривоят қилишган)...

Жума кунининг сирлари

Жума кунининг бошқа кунлардан афзаллик жиҳатлари жуда кўп. Улардан бири шуки, жума куни айнан жума намози учун ғусл қилиб, намозга эртароқ кeлган, намоз ва масжид одобларига риоя қилиб намоз ўқиган банданинг ҳар бир қадамига бир йиллик намоз ва рўзанинг савоби бeрилади....

Имондан айирма

Аллоҳим Тилимизни Зикрдан, Бошимизни Саждадан, Қалбимизни Сенга бўлган Мухаббатимиздан, Имондан айирма.🤲...

«ИСЛОМ» ва «САЛОМ» сўзлари орасидаги боғлиқлик

* «ИСЛОМ» ва «САЛОМ» сўзлари орасидаги боғлиқлик: 1. Ислом динини юборган Зот Аллоҳ таолонинг исми Ас-Салом; 2. Ислом динининг номи ҳам, моҳияти ҳам – тинчликдир; 3. Ҳақиқий ва абадий тинчлик олами бўлмиш жаннатнинг номи ҳам Дорус-Салом;......

Фикр қўшиш