Tiling bilan diling bir boʻlsin

"Ey Odam farzandi! Tavbasi nuqsonli, orzuhavasi uzun kishilar jumlasidan boʻlma. Oxiratni amalsiz umid qiladiganlardan boʻlma. Obidlarning gapini gapirib, munofiqlarning amalini qiluvchilardan boʻlma. Agar bersa, kanoat etmaydigan, bermasa, sabr kilmaydiganlardan boʻlma. Yaxshilikka buyurib, oʻzi uni qilmaydigan, yomonlikdan qaytarib, oʻzi undan qaytmaydiganlar jumlasidan boʻlma. Solihlarni yaxshi koʻrib, oʻzi solih boʻlmaydigan, munofiqlarni yomon koʻrib, oʻzi munofik boʻladiganlar jumlasidan boʻlma. Bajara olmaydigan narsasini gapiruvchi, buyurilmagan narsani bajaruvchi, vafodorlikni talab etib, oʻzi vafo kilolmaydigan kishilar jumlasidan boʻlma.

Ey Odam farzandi! Biror yangi kun yoʻqki, Yer senga oʻzining tilida: "Ey Bani Odam, ustimda yurasan, keyin qoʻynimda gʻamga koʻmilasan, ustimda nafsing tusaganini yeysan, qoʻynimda qurtlarga yem boʻlasan", demasa. (Biror kun yoʻqki, Yer senga oʻz tilida:) "Ey Bani Odam! Men koʻrqinch uyiman, sen soʻrok qilinadigan uyman, kimsasiz uyman, zulmat uyiman, ilonlaru chayonlar uyiman, bas, meni xarob kilavermasdan obod etmaysanmi?" demasa".