Meni aslo eslama jonim

Yillar oʻtib kelsa ham baxor.
Suvga toʻlsa muzlagan anhor.
Bu yuraging yigʻlasa zor zor.
Meni aslo eslama jonim.

Baxtli kuning ketsa gar tashlab.
Yigʻlasang ham koʻzlaring yoshlab.
Oʻtinaman bugundan boshlab.
Meni aslo eslama jonim.

Jondan ortiq sevardim seni.
Ammo qadrim bilmading meni.
Unut oʻtgan kunlarni endi.
Meni aslo eslama jonim.

Koʻcha kuyda koʻrsang ham.
Sal parishon boʻlsang ham.
Tushlaringga kirsam ham.
Meni aslo eslama jonim.

Yigʻlamagin koʻzlari humor.
Yoring bilan boʻlgin baxtiyor.
Tingla senga soʻngi soʻzim bor.
Meni aslo eslama jonim.

Qaytmasliging endi bilsam ham.
Visolingni orzu qilsam ham.
Har on seni men eslasam ham.
Meni aslo eslama jonim.

Oq libosni kiyarsan bugun.
Qon yuragim yularsan bugun.
Oʻzgaga yor boʻlarsan bugun.
Meni aslo eslama jonim.