Kulsam yarashardi yuzimga kulgu

Kulsam yarashardi yuzimga kulgu,
Soʻroqlar bermasdim qahrli tunga.
Koʻzlarim yigʻlashni bilmas edi-ku,
Nelarni oʻrgatib ketdingiz menga.

Siz bilan hayotim baxtiyor edi,
Xayollar bagʻrida yashardim sarmast.
Kim ham ahvolimni soʻrardi endi,
Endi orzular ham menga ishonmas.

Tunlarning bagʻrida qolib ayriliq,
Sevgimiz qoshida yigʻlar har kuni,
Siz kabi dardlarim tinglaguvchi yoʻq,
Kimlarga ishonib ketdingiz meni…