Jonim, jonim deb turib

Jonim, jonim deb turib,
Jonimni olmang mani.
Yuragimni yondirim,
Oʻtlarga solmang mani.

Bir qoʻnsangiz kaftimga,
Chidolmaysiz taftimga,
Oqshomlari qasdimga,
Tonggacha chalmang mani.

Men gʻarib yolgʻiz uchun,
Kemasiz dengiz uchun,
Yashab faqat siz uchun,
Begona bilmang mani.

Manga uymang qovoqlar,
Qilmang nozu firoqlar,
Dilga yoqmay chiroqlar,
Tigʻsiz oʻldirmang mani.

Gar tegsangiz gʻashimga,
Choʻktiraman yoshimga,
Yolgʻizgina boshimga,
Gʻavgʻo toʻldirmang mani