Koʻnglim seni kutib yashaydi

Bagʻrin hijron shamoli ezib,
Sevgi yurtin darbadar kezib.
Sogʻinchlardan shunchalar bezib,
Koʻnglim seni kutib yashaydi.

Bir bevafo yorni suysa ham,
Azobidan shuncha toʻysa ham.
Hijron choʻgʻi oʻyib qoʻysa ham,
Qalbim seni kutib yashaydi.

Orzulardan kolib soʻrogi,
Lov-lov yonar visol firogi.
Armonlarni kuchib qarogʻi,
Koʻzlar seni kutib yashaydi.

Umid guli ochilmay hargiz,
Qolsa hamki bir oʻzi yolgʻiz.
Yuragimda sen qoldirgan iz,
Hamon seni kutib yashaydi!!!