Юсуфхон Нурматов ва Феруза Каримова - Болангман

Юсуфхон Нурматов ва Феруза Каримова - Болангман Текст песни

Самоларда булутлар кезар,
Замин узра ўгитлар кезар, (х2)
Юрагим жим, барини сезар,
Ахир сенинг болангман, Ватан. (х2)

Кўкнинг қуёш ҳамда ойи бор,
Кўз ёшларим оқар сойи бор.
Кўксимнинг бир ёруғ жойи бор,

Оҳ ким, сенинг болангман, Ватан. (х2)

Ахир сенинг болангман, Ватан,
Жисмим ила танангман, Ватан. (х2)

Тупроғингда ўйнадим, кулдим,
Кетолмадим, қадрингни билдим,
Остонанга эмаклаб келдим,
Чунки сенинг болангман, Ватан.

Кипригимда милтиллайди ёш,
Бу кўз ёшга жо бўлган қуёш.
Шамолларга қардошман, қардош,
Чунки сенинг болангман, Ватан.

Ахир сенинг болангман, Ватан,
Жисмим ила танангман, Ватан. (х2)

Мен болангман, муштипар Она,
Санамагин мени бегона. (х2)
Сенинг учун ёнаман ёна,
Чунки сенинг болангман, Ватан. (х2)

Тупроғингга бошим қўяман,
Энг қадимий ҳисни туяман.
Сени дея жоним бераман,
Чунки сенинг болангман, Ватан. (х2)

Ахир сенинг болангман, Ватан,
Жисмим ила танангман, Ватан. (х4)