Navruz - Taqdir

Har bir kunim boshlanar sogʻinish bilan,
Har bir tunim yakun taslim boʻlish bilan.
Nahot, taqdir oldida bugun men jimman?
Alam qilar, yoningda bugun hech kimman,
Men hech kimman…

Balki taqdir sinovlaridir bu,
Balki qismat yozilganidir shu.
Lekin qalbda yashar sevgim mangu,
Soʻnmas tuygʻu. (x2)

Afsuski kech, oʻrtada koʻrinmas devor,
Qaytolmaymiz, lekin yuraklar umidvor.
Bedor tunlar biz qilgan orzular bekor,
Taqdir hukmin etolmaymiz aslo inkor,
Buni inkor.

Balki taqdir sinovlaridir bu,
Balki qismat yozilganidir shu.
Lekin qalbda yashar sevgim mangu,
Soʻnmas tuygʻu. (x2)