Yagzon guruhi - Yana u

Bugun koʻchada yana koʻrdim uni,
Bilinib turibdi – unutibdi meni.
Bermadi eʼtibor, qaramadi hatto,
Kulib turardim-u, yurak boʻldi ado.

Eslatib yubordi, unutayotgandim,
Oʻzi zoʻrgʻa axir koʻnikayotgandim.
Qiynalib-qiynalib yurgandimku oʻzi,
Nega yana menga tushdi uning koʻzi?

Yana u, shundoqqina yonimda turibdiku,
Yana u, unutdim deb oʻylagandim, unutolmabmanku. (x2)

Bilasanmi, qanchalar ogʻir sani koʻrib qolish?
Koʻchalarda yana hammasini esga olish.
Boshidan axir u paytlari juda yosh edim,
Va yurakdan telbalarcha seni sevgandim.

Shuncha orzular uchib ketdi bir pasda,
Goʻyo begonalar boʻlib ketdik asta-asta.
Qachonlardir axir sevardik telbalarday,
Unutibsan barini, qoʻygandirsan eslamay.

Senga oson, menga qiyin,
Ado boʻlmoqdaman borgan sayin.
Unutdim deb aldayabman,
Aslida unutolmayabman.

Senga qarab kulayapman,
Oʻzimdan oʻtganin bilayapman.
Nega hamon sevayabman?
Shuncha azob bilan yashayabman.

Kulib qoʻyaman xuddi baxtlilarday,
Qara, yashayabman oʻz-oʻzimni alday.
Yuragimni boshqara olmayapman,
Ayt, axir qanday, qanday seni sevmay?

Yana sani koʻchalarda koʻrib qolganimda,
Qani, sogʻinganim senga ayta olganimda.
Ammo oʻtib ketasan, goʻyo meni koʻrmaganday,
Xuddi hech qachon meni sevmaganday.

Yana u, shundoqqina yonimda turibdiku,
Yana u, unutdim deb oʻylagandim, unutolmabmanku. (x2)