Рустам Махмудов - Севдим сени

Рустам Махмудов - Севдим сени Текст песни

Сочларинг силаб-силаб, бағримга олсам,
Гўзалим, бахтга тўламан.
Кўзингга қараб-қараб, ўзимни кўрсам,
Дил ёниб, сарҳуш бўламан.

Бевафо санамлар берганда аламлар,
Ўйладим сени қанчалар.

Ойдайин ҳуснингни, севгилим, исмингни
Куйладим нурли кечалар.

Севдим сени,
Гўзал ёрим, севдим сени.
Севдим сени,
Вафодорим, севдим сени.

Эркалаб сени жоним, қўлингни тутсам,
Ўт бўлиб куйиб-ёнаман.
Ёнимда бўлсангда, бир лаҳза кутсам,
Гўё мен ёлғиз қоламан.

Юлдузли кечамсан, лаби гулғунчамсан,
Орзуйим менинг ёнимда.
Тақдирим ишончи, ҳаётим қувончи,
Севгимиз менинг ёдимда.

Севдим сени,
Гўзал ёрим, севдим сени.
Севдим сени,
Вафодорим, севдим сени.

Менинг энди хаёлимда
Сендан ўзга гўзал йўқ,
Сен билан бу ҳаётимда
Тақдиримдан кўнглим тўқ.

Севдим сени,
Гўзал ёрим, севдим сени.
Севдим сени,
Вафодорим, севдим сени. (х2)

Севдим сени…