Zohirshoh Joʻrayev - Duo qiling

Duo qiling bemorlarga,
Darddan bezor bedorlarga. (x2)
Koʻnglin oling, holin soʻrang,
Ular zordir diydorlarga,
Muhtojdir eʼtiborlarga.

Ular zordir diydorlarga,
Muhtojdir eʼtiborlarga.

Jon borki – Xudo yaratgan,
Borliqni bizga qaratgan. (x2)
Unga ham mehr taratgan,
Ular zordir diydorlarga,
Muhtojdir eʼtiborlarga.

Ular zordir diydorlarga,
Muhtojdir eʼtiborlarga.

Keksalar ulug‘, nuroniy,
Dillari pokdir samoviy.
Ularning bormi maloli?
Ular zordir diydorlarga,
Muhtojdir eʼtiborlarga.

Kimningdir yoʻq qoʻl-oyogʻi,
Kim ojiz, zulmat nigohi.
Ularning nedir gunohi?
Ular zordir diydorlarga,
Muhtojdir eʼtiborlarga.

Qarang, bu jonzot beminnat,
Biz uchun qilmoqda xizmat. (x2)
Ular ham bir tilsiz ummat,
Ular zordir diydorlarga,
Muhtojdir eʼtiborlarga.

Ular zordir diydorlarga,
Muhtojdir eʼtiborlarga.

Barchasi kutar bir diydor,
Undan shirinroq ne bor? (x2)
Ularga kerak eʼtibor,
Ular zordir diydorlarga,
Muhtojdir eʼtiborlarga.

Ular zordir diydorlarga,
Muhtojdir eʼtiborlarga.

Duo qiling, duo qiling,
Duo qiling, duo qiling
Bemorlarga,
Darddan bezor bedorlarga.