Чақалоқлар ҳақида кўпчилик билган ва билмаган қизиқарли маълумотлар

Янги туғилган чақалоқларнинг сезги ва генетик хотираси кўплаб олимларни қизиқтиради. Бугунги мақоламиз орқали чақалоқлар ҳақида қизиқарли бўлган маълумотларни сизларга тақдим этамиз.

1. Боланинг туғилиши - бу мураккаб ва табиий жараёндир. Туғилгандан сўнг, болада бир нечта тестларни ўтказадилар, уларнинг ёрдами билан унинг асабий ривожланиш даражасини билишади. Туғилгандан бошлаб, чақалоқлар оёқларини сиртга қўйишлари мумкин, ҳатто қадамлар шаклида ҳам ҳаракатлари бор. Кичкинтойлар бармоғингизни  маҳкам ушлашади. Буларнинг барчаси туғма рефлекслар деб аталади. Онасини йўқотиб қўймаслиги  ва оч қолмаслиги учун рефлекслар табиат томонидан яратилган. Айтганча, ўзини эслатиб туриш учун ҳам янги туғилган чақалоқ йиғлашни ўрганади.

2. Деярли барча болалар кўк кўзли бўлиб туғиладилар. Катталигидаги кўз ранги эса бироз кейин шаклланади. Шунинг учун, боланинг кўз ранги сизникига ўхшамаслигидан ташвишланманг. Вақт ўтгани сари нафақат кўзларнинг ранги, балки юзнинг шакли ва ҳатто сочларнинг ранги ҳам ўзгаради.

3. Янги туғилган чақалоқларда ҳимоя деб аталадиган рефлекс мавжуд. Бу бола оғзига бирон бир нарса тушганда ёки юзини ёстиқ беркитиб қолганда содир бўлиши мумкин. Агар оғизда бегона нарса бўлса, у ҳолда бола уни тезда тил билан итариб юборади. Агар чақалоқ қорни билан уҳласа-ю тасодифан ёстиққа юз ўгирса, автоматик равишда бошини бир томонга буриб олади.
4. Янги туғилган чақалоқлар катталарга нисбатан икки баравар тез нафас олади. Кичкинтойларда юрак уриши ҳам икки баравар кўпроқдир.

5. Янги туғилган чақалоқлар жуда кўп ухлашади. Баъзида уйқу 20 соатгача етади. Аммо бу умумий қилиб айтганда. Битта уйқу ярим соатдан икки соатгача давом этиши мумкин. Бу боланинг асабий ривожланиши билан боғлиқ. Ёши билан боланинг уйқуси уч баравар камаяди. Болалар фақат тинчликда ухлашади деган фикрга нотўғридир.Чақалоқлар шовқинда ҳам уҳлай олишади.
6. Болалар кўз ёшсиз йиғлайдилар. Болада кўз ёш томчилари икки ойлигида пайдо бўлади.

7. Бола тукли туғилиши мумкин. Соч нафақат бошда, балки бутун танада бўлиши мумкин. Хавотир олманг, "биринчи" сочлар тушиб кетади ва чақалоқнинг бошида ҳақиқий кучли сочлар ўса бошлайди.
8. Агар сиз янги туғилган чақалоқни диққат билан кузатсангиз, онаси яқинлашиши билан у “жонланиши” ва фаол бўлиб қолишини кўрасиз. Ривожланган ҳид ҳисси туфайли бола сутни ҳидлайди ва шунинг учун сутдан бош тортмайди.