Tushda kasal koʻrsa nimani bildiradi

Kasallik haqidagi tushlar yaxshilikka yoʻyilmaydi. Kasal boʻlgani holda qiynalmaganini koʻrgan kishi shu yil vafot etmaydi. Bundan tashqari har yil yara-chaqalar, kasallik boylik tush koʻrgan kishining hayoti bilan bogʻliqdir. Biror kishi tushida xotinining kasal ekanini koʻrsa, bu oʻsha ayolning sogʻligʻi yoki iymonida kamchilik borligiga ishoradir. Erkak uchun ham shunday taʼbir oʻrinlidir.

Tushda kasal
Tushida oʻzining koʻrligini koʻrgan kishi ishonchi,iymonidan ayriladi. Oyogʻi singanini tush koʻrgan kishi kambagʻallashadi. Boldiri singanini koʻrish undan ham yomon. Tushida yuqimli kasallik tarqalganini koʻrish qoʻzgʻolon va jang-jadaldan darakdir. Bunday tush zilzila yoki yongʻindan xabar berishi ham mumkin.

KASALXONA
Kasalxona koʻrinishining taʼbiri turlichadir. Kasalxonaga kirganini koʻrgan kishi shahid boʻladi. Kasalxona ovqatidan yeganini koʻrgan kishi kasal boʻlsa, tuzaladi, sog‘ boʻlsa, kasal boʻladi. Shifokor bilan suhbatlashganini koʻrgan kishi oʻz oilasidagi bemorlarga qaraydi. Kasalxonaning toza, tartibli ekanini koʻrgan kishi shifo topadi.

Kasalxonada qah-qah urib kulganini koʻrgan kishi aqldan ozadi yoki yaqinlaridan judo boʻladi. Ruhiy xasta- liklar kasalxonasini tush koʻrish koʻngilochar joylarga, maʼnisiz gap-soʻzlarga, boylikning qoʻldan ketishi va bola-chaqadan ayrilishiga ishoradir.

Tushingizga kasal doʻstingiz kirsa
KAFAN

Tushda kafan koʻrishning foydali tomoni ham, zararli tomoni ham bor.

KAʼBA

Tushda Kaʼbani koʻrish davlat boshligʻi, vazir, qoʻmondon, oila, xavfsizlik, obro‘-eʼtibor, kuch-qudrat, baxt-saodat demakdir. Tushida Kaʼbada namoz oʻqiganini koʻrgan kishi mashhur davlat arboblariga yaqin boʻladi. Kaʼbada koʻriladigan noxushliklar, kamchiliklar tush koʻrgan kishining, shuningdek, yaqin munosabatdagi davlat arbobining nuqsonlaridan darakdir.

Kaʼba devorining yiqilgani yoki yorilganini koʻrish koʻngilsiz voqealar boʻlishidan xabar beradi. Tushda Kaʼbaga qarash qoʻrquv va xavotirlardan xalos boʻlishga ishoradir. Biror kishi Kaʼbada namoz oʻqiganini koʻrsa, oqsoqol yoki imomdan kuch oladi, dushmanning yomonligidan omon qoladi, yorugʻlikka chiqadi. Tushida Kaʼbaning oʻz uyida ekanini koʻrgan kishi doimo davlatdan, xalqdan hurmat-eʼtibor koʻradi.

Kaʼbada biror xato qilganini koʻrgan kishm Allohning rasuli (s. a. v.) sunnatiga zid ish tutadi. Tushida Kaʼbaning xarob boʻlganini koʻrgan kishi namozni tark etadi.

KЕKSA AYOL

Tushda keksa ayolni koʻrish ojizlikka ishoradir. Baʼzida keksa ayol qoʻldan ketgan boylik, oxirat, xafagarchilikka ishora boʻlishi ham mumkin. Notanish keksa ayol ocharchilik daragi hisoblanadi. Tushida uyiga keksa ayol kirganini koʻrgan kishi boyiydi. Uyidan keksa ayol chiqqanini koʻrgan kishining moddiy ahvoli yomonlashadi.