Экстремал туризм учун энг муносиб масканлар бешлиги
Одатда, кўпчилик спортнинг экстремал турлари билан шуғулланишга ҳайиқишади. Туристик ташкилотларнинг маълум қилишларича, экстремал туризм ривожланган мамлакатларга ташриф буюрадиган сайёҳларнинг аксарият қисми эркаклар экан. Бугунги мақоламизда сизни экстремал туризм учун энг муносиб масканлар билан таништирамиз!
Скайдайвинг – Блед (Словения)
Блед- Слобениянинг чекка ҳудудида жойлашган ва оилавий ҳордиқ олиш учун айни муддао бўлган тоғ курортидир. Экстрим ишқибозлари бу ерда ҳам зерикиб қолмасликлари аниқ. Мовий рангли кўл ва унинг атрофидаги қалин ўрмонларни қуш парвози баландлигидан туриб томоша қилишга нима дейсиз? Бунинг учун парашютдан сакраб кўриш керак бўлади, холос. Ушбу тажриба бутун умрга ёдингизда қолиши аниқ.
Парапланеризм – Понтеведра (Испания)Ердан бир неча метр баландликда парвоз қилиш ва жазирама Испаниянинг яшил рангга бурканган ҳудудларини ҳотиржам томоша қилиш – шунчаки орзу эмас. Буни ҳар бир инсон ўзида синаб кўриши мумкин. Парапланда учиш- парашютда сакрашга журати етмаган, аммо ҳудуд гўзалликларини юқоридан томоша қилишни истаган инсонларга жуда маъқул келади.
Испаниянинг шимоли- ғарбий қисмида жойлашган Понтеведра провинцияси мазкур спорт тури билан шуғулланиш мумкин бўлган энг ажойиб жойлардан бири. Ҳудуднинг об-ҳаво шароитлари яхши мутаҳассислар ҳам катта тажрибага эга. Мураббий билан бирга машқ қилиш орқали мустақил равишда парвоз қилишга тайёр бўласиз.
Банджи-жампинг – Макао (Хитой)Юқоридан пастга эркин парвоз қилиш - асаби бўшлар учун мўлжалланган машғулот эмас. Аммо у сизга бутун умрга татийдиган таассуротларни ҳадя қила олади. Бванджи-жампинг – алпинистлар ашёлари билан баланд майдондан пастга сакраш ҳисобланади. Биринчи ўн ёки юз метрда шунчаки парво қилиб борасиз, кейин эса занжир билан жойингизда қоласиз. Бунинг учун энг ажойиб масканлардан бири баландлиги 300 метр келадиган Макао миноираси ҳисобланади. Мовий денгиз ва шаҳар манзаралари 7 сония давомида кўзларингиз қаршисида бутунлай бошқа бир оламни акс эттириб беради.
Қояга чиқиш- Горж-дю-Вердон дараси (Францийа)Бу алпинизмнинг бироз ўзгачароқ кўриниши бўлиб, Провансдаги Горж-дю-Вердон дараси бунинг учун энг қулай жойлардан бири ҳисобланади. Жараён давомида табиатнинг бор гўзаллиги- мовий рангли дарё, оппоқ қоялар ва дарахтларнинг яшил япроқларини кузатишингиз мумкин.
Тоғ велосипеди – ИсландияТоғ йўлаклари бўйлаб велосипед учиш ҳам асаблари бақувват инсонлар учун мўлжалланган машғулот. Тезлик, кескин қияликлар ва бетакрор манзара сизга янги таассуротларни ҳадя қилади.
Исландия ўлкасида мазкур спорт тури билан шуғулланиш учун имкониятлар етарлича. Аммо машқ қилиш учун таъқиқиланган тоғ йўлларини танлай кўрманг.
