Эрталабки ёмон одатлар
Еттита омадли рақам бўлса-да, қуйидаги етти ёмон одат эрталабингизни бузиши, барча режалар ва мумкин бўлган муваффақиятларга таъсир этиши мумкин.
Уйғонишни кечиктириш
Уйғотгичингизни 5-10 дақиқага кечиктириб, уйғонишингизни "кечиктириш" истаги сизнинг тонгингизни даҳшатли тушга айлантириши мумкин. Ўзингизни тайёрлас ҳучун озроқ вақт қолдирасиз, демак сизнинг тонгингиз шошқалоқликка, бетартибликка, кечикишдан қўрқиш, муҳим нарсаларни унутиш ва ҳоказоларга айланади. Куннинг бошидан жимгина завқланиш ўрнига, сиз ўзингиз учун стресс яратасиз. Аммо сиз ҳали ҳам ўз уйингизни тарк этмадингиз, ўзингизни яхши ва хотиржам ҳис қилаётган ўша "қалъа" чегараларини тарк этмадингиз! Нима учун сиз будилникнинг биринчи чақириғида туриб, кунни хотиржам, барча нарсага улгурган ҳолда, яхши кайфиятда бошламаслигингиз керак?
Нонушта қилмасликБиринчи овқатни эътиборсиз қолдириш - бу яна бир стратегик хато. Нонушта бизнинг метаболизмимизни бошлаши, танани уйқудан уйғотиши ва шу билан бирга бахтсиз ҳодисалар, хатолар ва эрталаб бизга таҳдид қилиши мумкин бўлган бошқа муаммолар хавфини камайтириши исботланган. Агар сиз эрталабни самарали бошлашни истасангиз, нонушта қилишингиз шарт. Вафли, конфет, печене ва чипсларга тўла идорада оч қолишдан кўра, уй шароитида соғлом нонушта қилиш яхшироқдир.
Янгиликларни ўқиш ва кўришУйғонгандан кейинги дастлабки уч соат энг самарали ҳисобланади. Шахсан сиз учун муҳим нарсалар ва муҳим лойиҳалар ҳақида ўйлаш ўрнига, дунё янгиликларининг салбий томонларига ғарқ бўласиз. Ҳатто энг қувноқ одам ҳам самолёт қулаши, йўл-транспорт ҳодисаси, эпидемия, бахтсиз ҳодисалар, болалар ўлими ва ҳоказолар ҳақида ўқиганидан кейин тушкунликка тушиши мумкин.
Сиз таъсир ўтказа олмайдиган нарсадан нега хафа бўласиз? Эрта тонгдан янгиликларни ўқиманг, кўрманг, қабул қилманг ва сиз кун бўйи тетик ҳамда яхши кайфиятда қоласиз.
Иш режаси йўқРежалаштиришнинг афзалликлари шубҳасиздир. Режангизни тузгандан сўнг, у ерга боришингиз мумкин. Агар сиз режалар тарафдори бўлмасангиз ҳам, кун давомида энг муҳим вазифаларнинг бир нечтасини стикерга чизиб, уни кўз кўрар даражасида осиб қўйишга қодирасиз. Шундагина бугун сиз ўзингиздан нимани кутаётганингизни аниқ биласиз!
Текширув рўйхатлариРежа нафақат ишларда, балки уй вазифаларида ҳам бўлиши керак. Ўзингиз билан олиб кетадиган нарсалар рўйхати ёки эрталаб бажариладиган ишлар рўйхати бўлиши сизга анча осон. Текширув рўйхатлари ҳаётимизни осонлаштиради. Акс ҳолда, душдан кейин тишларини ювишни унутишингиз мумкин. Кейин эса сиз кун бўйи ноқулайлик таъсирида юрасиз.
ИнтернетБугунги кунда Интернет фойдаланувчилари ўзларининг севимли саҳифаларига киришлари биланоқ вақт тешигига тушиб қолишганга ўхшайди. Почта, бир нечта ҳаволалар - ва сиз аллақачон ҳақиқатдан чиқиб кетдингиз, кўп вақтни йўқотдингиз ва ишга кечикдингиз.
НегативларЭрталаб ёмон кайфият - бу яна бир ёмон одат. Олдингизда турган иш тоғлари, ишдан кейин қилинадиган бир қанча юмушлар, кўчада шарроз қуяётган ёмғир ҳақида ўйлаш, иш самарадорлигингизга путур етказади ва ҳаёт қувончини ўлдиради. Агар сиз доимо ва услубий равишда ўзингиз устида ишласангиз, оптимист бўлишингиз мумкин- атайлаб ижобий томонларни топинг, ёқимли майда нарсаларга эътиборингизни қаратинг, ёқимли одамлар билан мулоқот қилишдан завқланинг (ва ёқимсиз нарсаларга эътибор берманг).
Ёмон одатларни йўқ қилиш мумкин. Ўзингиз устингизда ишланг ва ҳар куни эрталаб яхши кайфиятда бўлинг!
